Lavinia Bührdel z Budyšina, 17 lět Mam wuski kontakt z přeće­lemi, tež hdyž zwjetša jeno přez socialne syće. Wužiwam rjane wjedro, sym wjele ­wonka a mam skónčnje raz chwile za sport. Wuspać so tučasnje tež móžu ­a mam chwile, swoju to-do-lisćinu ­wot­dźěłać. A jako šulerka Serbskeho ­gymnazija sym wězo dosć domja-­ cych nadawkow dóstała.

Helena Hrjehorjec z Konjec, 17 lět

Lětsa mam pruwowanja, a tak dóstawamy nadawki w předmjetach, w ko­trychž pruwowanje złožimy. Dyrbimy pak sej připódla tež tójšto sami přiswojić. Tohodla kóždy dźeń něšto za šulu činju, zbytny čas staršimaj pomham abo ­Netflix hladam. Dokelž so z přećelemi nětkole tak intensiwnje zetkać nje­směmy, je to wšón jara wostudły čas.

Ławrjenc Bobka z Miłoćic, 17 lět Mam tójšto za dźěło. Dopołdnja pomham našemu nanej na statoku. Staram so wo konje abo dźěłam drjewo. Druhdy so dźěło tež hač do popołdnja ćehnje. Na mnóstwje domjacych nadawkow wšak pytnu, zo njejsu to žane prózdniny, ale ­takrjec samostatne wuknjenje ­doma.

Rafaela Domaškec z Nowoslic, 17 lět