W zwěrjencu maja wjele dorosta

štwórtk, 30. apryla 2020
artikl hódnoćić
(0 )
Foto: Wojerowski zwěrjenc/Stefanie Jürß
Foće: Gernot MenzelWone skakaja a za swoju wulkosć hižo chětro spěšnje krosnuja. Rěč je wo dorosće Wojerowskeho zwěrjenca. W minjenych tydźenjach su tam wjacore młodźata na swět přišli. Hnydom z dźewjeć pjeraškami wšak matej staršej wjewjerčkow ­wje­le dźěła. Tuchwilu su wone hišće chětro zaspane, bórze pak budu so hižo kedźbliwje po swojej wokolinje pohibować. Tak wěsće, kaž so wjewjerčki w hněžku čuja, tak derje zastarane su kenguruwy w měše maćerje. Wo cyłkownje tři młodźata, kotrychž domizna je poprawom Awstralska, so hladarjo zwěrjatow na terenje we Wojerecach nětko staraja. Prjedy hač pak budu tež wone po připrawje skakać, hišće trochu traje. Jenož hdys a hdys z měcha kukaja a wob­hladuja sej na přikład nowu wobydlerku, emu-žónku Hilde, kotraž je jara skludna. Wopički z wosebitej hłójčku maja tohorunja dorost, a tón hižo čile po lěsycach a dalšich připrawach łazy. Jedna wowca ma jehnjatko, kotrež dósta mjeno Cora. A přidružić maja so jemu bórze dalše. Zdypkom k jutram su so hižo ćipki kokošow wu­lahnyli.
wozjewjene w: Předźenak
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND