Prěnju knižnu premjeru dožiwili

pjatk, 19. junija 2020
artikl hódnoćić
(0 )
Lukaš Hančik a Titus Wićaz (wotlěwa): To bě za naju prěnja knižna premjera, štož je naju wjeseliło, wšako je to něšto wosebite. Wězo powědančka hižo znajemy, tež nowa stawizna so namaj spodoba.Julija Šibšikec: Najlěpje so mi lubješe, zo mějachu Frido a přećeljo ideju, tola raz zaječki překwapić. Powědančko bě tuž jara zajimawe. Serbske knihi wo Fridźe a přećelach jara rady čitam.Rebecca Adamec: Knižka z ilustracijemi je jara rjana. Doma mam hižo knihu z cyłkownje pjeć stawiznami wo wrobliku Fridźe.Kilijan Henich: Najlěpje z rjadu lubi so mi powědančko, kak je myška Pip-pip płuwać nawuknyła. Mam doma wjacore knihi Jěwy-Marje Čornakec. Dźensa nětko sym spisowaćelku zeznał.
Fota: Bianka Šeferowa

Što to je, knižna premjera, prašeše so dźens tydźenja wučerka Rejzka Delenkowa šulerjow 3. lětnika Radworskeje zakładneje šule. „Je to prěni raz, hdyž awtorka swoju nowu knihu publikumej předstaji“, wona wuswětli. W tym padźe jednaše so wo powědančko z rjadu wo wrobliku Fridźe a jeho přećelach, kotřiž chcychu k jutram zaječki překwapić.

wozjewjene w: Předźenak
Prošu přizjewće so, chceće-li komentar podać

Serbska debata

nowostki LND