Lotka a Sophia za wšěch

pjatk, 26. junija 2020
artikl hódnoćić
(0 )
Za nawodnicu Njebjelčanskeje pěstowarnje „Jan Skala – Barbojte kamuški“ Viktoriju Brězanec je to wulkotna wěc, zo ma předewšěm Lotka lute rjane ideje. Feliks Haza Za nawodnicu Njebjelčanskeje pěstowarnje „Jan Skala – Barbojte kamuški“ Viktoriju Brězanec je to wulkotna wěc, zo ma předewšěm Lotka lute rjane ideje. Feliks Haza

Zwjazanosć z dźěćimi tež nadal digitalnje pěstuja

„Druhdy je njedobre tež za něšto wušne“, by moja njeboh wowka rjekła. Wězo swój čas njeměješe wona před wočomaj aktualnu koronapandemiju, ale mysleše na čas, jako běchu ludźo zbožowni, dokelž njetrjebachu so hižo wójny dla strachować. Kotry wužitk pak ma korona? Zwěsćam, zo zaběramy so bóle z digitalnym swětom. Poskitki w serbskej rěči, kotrymž móžemy so jeničce wirtuelnje bližić, přiběraja. Wjetšina z nich je na termin abo něšto dnjow wjazana, někotre pak tež maja wutrajnych wuwiwarjow a na nowych idejach njelutuja.

Tajki přikład je Njebjelčanska pěstowarnja „Jan Skala – Barbojte kamuški“. Ručna klanka Lotka a jeje towarška Sophia zaběratej so w krótkich widejach ze zwjetša lóštnymi, druhdy tež z chutnymi temami wšědneho žiwjenja. Na te wašnje wonej dźěćom a dorosćenym swět wotwěratej. Powěsć wo nimaj a jich akciji je so spěšnje po Łužicy roznjesła. „Smy jara překwapjeni, kelko ludźi je sej mjeztym naš poskitk w interneće wobhladało. A zajim njewoteběra“, praji kubłarka Sophia Budarjec, „za to smy našim fanam jara dźakowni.“

wozjewjene w: Předźenak

Galerija

dalši wobraz (1) Kubłarki so při akciji tež same wědy nasrěbaja. Tak su sej dotal njeznate wopřijeća wotkryli, kaž žerchej, za kotrejž so němske słowo Kresse chowa.
dalši wobraz (2) Kusk žorta je nimale přeco do scenow zapřijate. Tajku móža sej wšitcy zajimcy wobhladać, hdyž pytaja na Youtube za Lotku a Sophiju pod hesłom: „Pssst mjelčo!“.
dalši wobraz (3) Dźěći, starši, wowki a dźědojo rady přihladuja, hdyž Lotka a Sophia na kanalu Youtube swojich přihladowarjow strowitej. Poboku su jimaj dalše kubłarki, kotrež wideja nahrawaja, na gitarje hraja a rekwizity přihotuja.
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND