Krasny nócny
napohlad
Fabian Bejma, pochadźacy
z Ralbic, bydli dźensa ze swójbu
w Drježdźanach. Wot nowembra 2019 do februara 2020 pak njebě
w domiznje docpějomny, ale je
z mandźelskej a dźěsćom po Aziji pućował. Hižo w minjenym wudaću rozprawješe młody Serb wo prěnim cilu Indiskej. Dale dźěše za młodu swójbu do Malajzije. Što tam dožiwichu, čitaće w dźensnišim wudaću njewšědneje tury.
Wot Indiskeje dźěše z lětadłom dale do malajziskeje stolicy Kuala Lumpur. Lět bě poměrnje tuni, dokelž mjez druhim za synka Barnabasa hišće ničo płaćić njetrjebachmy. Trochu so bojachmoj, zo budźe wón cyły lět pišćeć, tola na zbožo bě cyle luby, tež dokelž mandźelska jeho přeco zaso ćěšeše, wosebje zo by ćišć we hłowje wurunała. Hdyž stejachu dlěše čary na planje, spytachmy je přeco w nocy zmištrować – w nadźiji, zo Barnabas wšitko přespi, štož so tež nimale přeco poradźi.