Jenož mjezsobna dowěra wuspěch zaruča

pjatk, 11. septembera 2020
artikl hódnoćić
(0 )
Dokładnje wobkedźbuje fachowča, Kornelia Helmowa z Jitka, zadźerženje štyrinohača. Wot konja so wotsalejo přewostaja jeho swobodnej reakciji na wužadanje ze stron trenarja. To je „horsemanship“ we woprawdźitym zmysle. Foto: Jan Kral Dokładnje wobkedźbuje fachowča, Kornelia Helmowa z Jitka, zadźerženje štyrinohača. Wot konja so wotsalejo přewostaja jeho swobodnej reakciji na wužadanje ze stron trenarja. To je „horsemanship“ we woprawdźitym zmysle. Foto: Jan Kral

Za mnohe družiny sporta trjebaja sportowcy wosebite nastroje, zo móhli jón ­prawje a wosebje tež wuspěšnje wukonjeć. Tež w jěchanskim sporće to na mnohe wašnje přitrjechi. Wažny za wuspěch pak je předewšěm dobry poměr mjez ­jěcharjom a konjom. Jenož hdyž móže so jedyn na tamneho spušćeć, stej wuspěch kaž tež dobre začuće za wobě stronje zaručenej.

Zo je dobry poměr mjez jěcharjom a konjom trěbny, měni tež Kornelia Helmowa z Jitka (Eutrich). Jako wuspěšna a připóznata konjaca trenarka wona derje wě, što tajki poměr mjez konjom a jěcharjom wučinja. Hižo wjele lět so wona a jeje dźowce wuspěšnje na jěchanskich turněrach wobdźěleja. Helmec trójka je wusměrjena na tak mjenowane jěchanje po westernskim wašnju. Tam je wosebje spušćomny poměr mjez konjom a jě­charjom žadany. Wšako jěchar přikazy a trěbne pomocy jeno z pohibami ćěła, rukow a nohow konjej posrědkuje. Zo móhł štyrinohač na nje prawje a derje reagować, trjebataj wón kaž tež čłowjek wěsty čas wukubłanja a wuknjenja.

wozjewjene w: Předźenak

Galerija

dalši wobraz (1) Spokojom njeje jenož trenarka, ale tež kóń, hdyž je lekcija wukubłanja wuspěšnje zakónčena. To so wobaj derje čujetaj.
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND