Skónčnje prózdniny!

pjatk, 16. oktobera 2020
artikl hódnoćić
(0 )
Rysowanka: Christin Lukašowa
(Katka leži we łožu. Mać přihotuje w kuchni snědań.) mać: (woła) Katka, stań, snědań je hnydom hotowa. Katka: (njewotmołwi, mać ju zas a zaso woła, skónčnje přińdźe a sydnje so mórko­tajo za blido) W prózdninach njemóžu so wuspać! mać: Je hižo pozdźe. Twój kakaw budźe zymny a warjene jejko tež. Katka: Sym pak hišće mučna. mać: Prózdniny su dołhe dosć a móžeš so kóždy dźeń wuspać. Katka: Što ha dyrbju cyły luby dołhi dźeń činić. mać: Dźensa móžeš ze mnu na zahrodźe jabłuka zezběrać, kotrež je wětřik wčera ze štomow storhał. Chcu jabłučnicu warić. Katka: (zdychnje) Hižo zaso jabłučnicu ... mać: (so smějkoce) Tebi by wězo lubšo było, hdyž bychu tam jenož spagetije rostli ... Katka: ... a šokolodźany lód. Katka: Dźi sama jabłuka zběrać. Ja budu tak dołho telewizu hladać. Přińdźe zawěsće zajimawy film. mać: Haj, haj, popołdnju a wječor tež zas. Katka: Ně, popołdnju póńdu k Madlence. Ta ma nowy kompjuter. mać: Ty derje wěš, što je ći nan prajił: Přewjele telewizu hladać čini hłupe. Katka: Domanic Beno ma telewizor samo w swojej stwě, a tón je lute jedynki na wuswědčenju měł.
wozjewjene w: Předźenak
Prošu přizjewće so, chceće-li komentar podać

Serbska debata

nowostki LND