Fonds „Čiń sobu!“ pomha tamniše lokalne industrijne stawizny we wjesnym zhromadźenstwje bóle zakótwić

Ze stawiznow wurosće identita. Indu­strijne stawizny će wćipne činja­, hdyž su hišće swědčenja, z kotrymiž móžeš so rozestajeć. Za to pak trjebaš angažowanych wobydlerjow.

W Barće, gmejna Malešecy, zdawa so to wšo na jednym městnje być. Techniski pomnik bazaltowy zawod, hdźež běchu sej wot 1930 hač do 1993 přez lětdźesatki wjacore generacije wjesnjanow swój wšědny chlěb zasłuželi, nětko z lokomotiwu bywšeje jamoweje železnicy sym­bolisce wosrjedź wsy steji. Horliwcy su stawizny tam „přinjesli“, hdźež wšědnje na nje storčiš. To bě prěni zwoprawdźeny z dohromady pjeć projektow, mytowanych we wobłuku lońšeho idejoweho wubědźowanja „Čiń sobu!“.