Foto: SN/Hanka ŠěnecFoto: Feliks HazaPilny rumpodich Ruce połnej dźěła druhu adwentnu njedźelu měješe Choćebu­ski rumpodich. Wjele přećow dyrbješe sej wón přečitać. Dźěći běchu swoje cedle do toho w přistawowym běrowje na Grodkowskej dróze do listo­weho kašćika ćisnyli, hdźež hodownu póštu zběraja. Tež nad wašim listom a rjanej rysowanku abo postrowom so rumpodich zawěsće jara wjeseli! Foto: Michael HelbigAdwent je čas potajnosćow a zajimawosćow. W tym času swójbni zhromadnje poprjančki pjeku, zhromadnje pasla a spěwaja. Snano sće tež wy něšto rjaneho paslili. Dźěćiznak je so raz rozhladował a zwučene a njezwučene dekoracije našoł. A sće-li wy něšto zhotowili, pósćelće mi rady fota swojich wudźěłkow. Před Njebjelčanskej pěstowarnju steji rjenje pyšeny hodowny štom. Je tón na wašej zahrodźe tež tajki rjany? W Brězynce pola Delnjeje Hórki pak steji sněhowy muž samlutki na zelenej łuce. Nadźijomnje so bórze sněži, zo hižo tak zhubjeny njewupada. Maće tež wy někajku njewšědnu pyšenku? Nimo toho pěstujemy w adwentnym času wšelke nałožki. Tak wopyta dźěći 4. decembra swj.