Ćah w serbskich barbach za rěč wabi ...

pjatk, 12. februara 2021
artikl hódnoćić
(0 )
Modernizowany ćěridny wóz typa Desiro w serbskim šaće steji składnostnje swojeje prezentacije na Budyskim dwórnišću. Mjeztym posłužuje wón jězbny plan na čarje mjez Zhorjelcom a Drježdźanami. Modernizowany ćěridny wóz typa Desiro w serbskim šaće steji składnostnje swojeje prezentacije na Budyskim dwórnišću. Mjeztym posłužuje wón jězbny plan na čarje mjez Zhorjelcom a Drježdźanami.

... a přeprošuje zdobom na wopyt dwurěčneje Hornjeje Łužicy nic jenož jutry ke křižerjam abo na ptači kwas

„Za 35 mjeńšinow z Drježdźan do Budyšina!“ lubi pismo na dwurěčnje serbsce a němsce popisanym ćěridnym wozu Krajneje železnicy, kotryž jězdźi wot wutory mjez sakskej krajnej stolicu a Zhorjelcom. Ze „serbskim“ ćahom so wot Łobja k Sprjewi podać, zdawa časowu lěpšinu pjeć mjeńšin měć, dokelž trjeba po aktualnym jězbnym planje najspěšniši zwisk mjez dwórnišćomaj Drježdźany-Nowe město a Budyšin 40 minutow. Poprawom móhł to poradźeny wabjenski gag być: Jědźeće ze serbskim ćahom, swój cil samo spěšnišo docpějeće.

Kak je k tomu dóšło, wědźa w jednaćelni Zaměroweho wobchadneho zwjazka Hornja Łužica-Delnja Šleska (ZVON) w Budyšinje. Po internej diskusiji „smy so na kóncu časowje za prěnju staciju w Drježdźanach rozsudźili. A to su Drježdźany-Kłočow (Klotzsche)“, wuswětli nowinska rěčnica Sandra Trebesius.

wozjewjene w: Předźenak

Galerija

dalši wobraz (1) Sej k Serbam do Łužicy z ćahom dojěć, to z Drježdźan poprawom scyła dołho njetraje. Ze serbsce wuhotowanym Trilexom jězdźić, tohodla njepřinošuje jenož k tomu, wobswět škitać, ale wabi zdobom za wjacerěčnosć we Łužicy, kaž to předsyda Domowiny Dawid Statnik při předstajenju wozydła minjenu póndźelu w Budyšinje podšmórny. SN/Hanka Šěnec
dalši wobraz (2) Wurězk wonkowneho wuhotowanja na zakładźe imageoweje kampanje „Sorbisch? Na klar.“ měri so jasnje na młódšich. Wšako su woni potencielni nošerjo rěčow, tak tež serbskeje.
Prošu přizjewće so, chceće-li komentar podać

Serbska debata

nowostki LND