Wšitkim wobdźělenym słuša wulki respekt

pjatk, 13. awgusta 2021
artikl hódnoćić
(0 )
Zhromadnje z Jaromírom Kohlíčekom je so Hajko Kozel gratu přimał a při wobnowjenju Chróšćanskeje šule pomhał.  Foto: archiw SN/Maćij Bulank Zhromadnje z Jaromírom Kohlíčekom je so Hajko Kozel gratu přimał a při wobnowjenju Chróšćanskeje šule pomhał. Foto: archiw SN/Maćij Bulank

Hajko Kozel: „Njejsmy jako Serbja jenož kulturnje hódnotni, ale mamy tež politisku relewancu“

Serbske šulstwo je w lěće 2001 z Chróšćan zběžkom swój dwójny wjeršk docpěło. Na jednym boku běše to prěni króć po lětstotkach, zo protestowachu Serbja přećiwo postupowanju knježerstwa. Na tamnym boku dyrbjachu znjesć, zo su knježacy wospjet nad cyłym narodom rozsudźili. Milenka Rječcyna je so ze serbskim juristom a politikarjom Hajkom Kozelom rozmołwjała.

Dopominajo so na Chróšćan zběžk, kotre tři wosebite wopřijeća tehdyšemu podawkej dźensa připisujeće?

H. Kozel: Na prěnim městnje je to zmužitosć Serbow, kotřiž poprawom njejsu na sebje samych narok a žadanje měli rjekojo być. Dale je to jasnosć analyzy Serbow, kotřiž su sčasom spóznali, što to rěka, hdyž so tajke kubłanišćo kaž te­hdyša Chróšćanska srjedźna šula zhubi. A střeća je to kreatiwnosć protesta. Přetož stawk přewjesć, we wobłuku ko­trehož so přiwšěm dźěła – mjenujcy zo wuča a wuknu –, je wěsty nowum tež za stawizny stawkow na tymle swěće.

wozjewjene w: Předźenak

Galerija

dalši wobraz (1) Serbski prawiznik Hajko Kozel, kiž je zdobom stawiznar, so hišće dźensa, 20 lět po Chróšćan zběžku ze sćěhami historiskeho podawka zaběra. Foto: SN/Hanka Šěnec
dalši wobraz (3) Wutoru, 4. septembra, rano starši stawk w Chrósćicach wusadźichu a sćelechu swoje dźěći wot toho dnja w Ralbicach do šule. Tón dźeń jich wulke awtowe korso z wjac hač sto jězdźidłami do Delan přewodźeše, prědku awto ze serbskej chorhoju.
Prošu přizjewće so, chceće-li komentar podać

Serbska debata

nowostki LND