Na zasowidźenje!

pjatk, 03. decembera 2021
artikl hódnoćić
(0 )
Wuradźowanje w internaćeFoće: Milenka RječcynaFotosession w ChrósćicachSo na zhromadne wuradźowanje zetkać bě wužadanje. Wšako njejsu młodźi ludźo hižo wšitcy we Łužicy, ale studuja we wšelakich wulkoměstach Němskeje. Zaso dalši ­bydla w internaće abo doma. Na kóncu zetkali smy so w kofejowni, w redakciji Serbskich Nowin abo w hosćencu. Wosebje pak smy z pomocu šmóratka komunikowali. W internaće Serbskeho gymnazija smy prěni króć widźeli naćisk za comic, kiž móžeće w magacinje čitać a sej wobhladać. Njeje scyła tak lochko namakać prawu městnosć za foto z młodymi ­redaktorkami. W Chrósćicach je jón fotografka Božena Šimanec pod ­starym štomom nadešła. Holcy a młode žony su sej hnydom wobhla­dali, kotre foto je najlěpše a so za wozjewjenje hodźi.Škoda, zo je medijowy projekt „Carpe noctem – Njeskónčna nóc“ z tutym wudaćom Serbskich Nowin zakónčeny. Škoda tež, zo nje­wěmy, hač wjedźe so pod hesłom „Carpe noctem 2.0” dale. Derje pak, zo młodostni njepopušća w tym, sebje samych kaž tež swoje ideje na nohi stajić a na jewišću prezentować.
wozjewjene w: Předźenak
Prošu přizjewće so, chceće-li komentar podać

nawěšk

nowostki LND