800 lět Wjelećin

pjatk, 25. februara 2022
artikl hódnoćić
(0 )
Wjelećin, wosrjedź hornjołužiskich horow, wabi turistow kaž domoródnych. Wšako móžeš tam wulkotnje pućować a maš krasny wuhlad na hornjołužisku krajinu a přirodu.  Foto: Eberhard Schmitt Wjelećin, wosrjedź hornjołužiskich horow, wabi turistow kaž domoródnych. Wšako móžeš tam wulkotnje pućować a maš krasny wuhlad na hornjołužisku krajinu a přirodu. Foto: Eberhard Schmitt

Město pod Mnišoncom a domizna Pumpota

Jako biskop Bruno II. z Mišna 25. februara w lěće 1222 dźewjeć kapałkow wokoło Budyšina jako wotnožki Budyskeho tachantstwa postaji, bě drje prěnje naspomnjenje Wjelećina jako „Welintin“. W tym času pak je sydlišćo hižo někotre sta lět jako serbska wjes wobstało. Byrnjež do lěta 1222 skerje mało žórłow było, njewostachu prawdźepodobnje něhdy dobre sydlenske faktory w dołhim dole Butrowki (Butterwasser) słowjanskim kmjenam zakryte, kotrež je wužichu, zo bychu sej ratarske eksistency natwarili. Mjenowany blečk zemje drje leži runje při wuliwje ze směra z Wostašec (Irgersdorf) a do Butrowki ćečaceje Wostašanskeje wody. Wottud je so prawdźepodobnje z najdale do hór zasydleneje pózdnjoserbskeje wsy hač do dźensnišeho Wjelećin na jedne z najwuznamnišich industrijnych městow a na najwažniše hospodarske stejnišćo wuwiło. Tak móhło być, zo je zažny sakralny twar w zwisku z na ottonski twjerdźiznowy system bazěrowaca zarjadniska struktura w 11. lětstotku nastać. Archeologiske a pisomne dopokazy na to pak pobrachuja.

wozjewjene w: Předźenak

Galerija

dalši wobraz (1) Najznaćiši zawod we Wjelećinje je 1842 załožena palencarnja. Tam su k 800. róčnicy wobstaća města wosebity liker kreěrowali. Foto: SN/Hanka Šěnec
dalši wobraz (2) Duplikat postawy kuzłarja „Měrćina Pumpota“
Prošu přizjewće so, chceće-li komentar podać

nawěšk

nowostki LND