Botaniske pućowanje po swěće a času

pjatk, 29. julija 2022
artikl hódnoćić
(0 )
Woprawdźiteho mamuta w Protečanskej mamutowej zahrodźe nimaja, za to pak tójšto eksotiskich a mjenje znatych botaniskich žadnostkow ze wšěch kóncow swěta. A tež wo ćělne derjeměće so tam staraja. Woprawdźiteho mamuta w Protečanskej mamutowej zahrodźe nimaja, za to pak tójšto eksotiskich a mjenje znatych botaniskich žadnostkow ze wšěch kóncow swěta. A tež wo ćělne derjeměće so tam staraja.

Hnydom wot spočatka: woprawdźiteho mamuta, ewolucionarneho předchadnika nam dźensa znateho elefanta, w Protečanskej mamutowej zahrodźe nichtó namakać njebudźe. Tam mjenujcy tajkeho nimaja. Chiba jako maskotku noweje atrakcije w Halštrowskim wjesnym dźělu Protecy. Štož namakaš, su mamutowe štomy, kotrež swojemu mjenu wšu česć činja. Přetož wone móža jara wulke narosć a wysoku starobu docpěć. Zajimcy pak nachadźeja w nowej botaniskej zahrodźe tež wšelke botaniske žadnostki ze wšěch kóncow swěta. Tak mjez druhim 300lětny wolijowc z mjenom „Old Lady Olivia“, złotu cedru z Himalaje abo andiske jědle ze Chile a z Argentinskeje. Hakle krótko do wotewrjenja zesadźane buchu wysoke japanske Sawara-cypresy, kotrež dyrbja tohodla hišće z powjazami stabilizować. Jörg Kohout, mějićel štomownje ze samsnym mjenom, je ju z jedneje ze swojich pućowanjow po swěće sobu přinjesł a w štomowni plahował.

wozjewjene w: Předźenak

Galerija

dalši wobraz (1) Rjane fotowe motiwy nańdźeš w nowej Protečanskej mamutowej zahrodźe nimale wšudźe, wšojedne hač činiš wobrazy z kameru abo ze swojim šmóratkom. Steffen Unger (2), Carmen Schmann (7)
dalši wobraz (2) Nowa Protečanska mamutowa zahroda je přewidnje wuhotowana a zajimcy a zajimče móža so w njej po šćežkach wuchodźować a so wočerstwjeć.
dalši wobraz (3) Njewšědny wobraz: za kerkami róžow Sawara-cypresy, podobne palmam.
Prošu přizjewće so, chceće-li komentar podać

Serbska debata

nowostki LND