Lětsa w Baćonju dwójce wo dypki jězdźa

pjatk, 16. septembera 2022
artikl hódnoćić
(0 )
Paul Domš (nalěwo, Zejicy) słuša wot loni k najlěpšim jězdźerjam w dumperowym sporće. Syn wjacekróćneho něhdyšeho Němskeho mištra Frank Domša móhł lětsa samo mišterstwo dobyć, dokelž njemóže so amtěrowacy champion Filip Kral na poslednim, narunanskim běhu w Baćonju wobdźělić. Při zašłym wubědźowanju w Hórkach by youngster Domš poprawom tež na podesće stać dyrbjał, wón pak poda so hišće do mytowanja do dowola, tak zo zastupowaše jeho Křesćan Grutka (nalěwo, Chrósćicy). Domjace wubědźowanje dobył je Filip Kral (srjedźa, Róžant), třeći bu Frank Domš (naprawo, Zejicy). Konstantin Hrjehor Paul Domš (nalěwo, Zejicy) słuša wot loni k najlěpšim jězdźerjam w dumperowym sporće. Syn wjacekróćneho něhdyšeho Němskeho mištra Frank Domša móhł lětsa samo mišterstwo dobyć, dokelž njemóže so amtěrowacy champion Filip Kral na poslednim, narunanskim běhu w Baćonju wobdźělić. Při zašłym wubědźowanju w Hórkach by youngster Domš poprawom tež na podesće stać dyrbjał, wón pak poda so hišće do mytowanja do dowola, tak zo zastupowaše jeho Křesćan Grutka (nalěwo, Chrósćicy). Domjace wubědźowanje dobył je Filip Kral (srjedźa, Róžant), třeći bu Frank Domš (naprawo, Zejicy). Konstantin Hrjehor

Nimale tři lětdźesatki dumperowy sport mjez kupu Rujany, Łužicu a Vogtlandskej

Tradicionalne wiki w Koselitzu, wokrjes Mišno, běchu w lěću 1994 dokładnje tři hodźiny stare, to někotři čłonojo tamnišeho domizniskeho towarstwa swjedźeń prěni raz wuhódnoćichu. Při škleńčce piwa přemyslowachu zdobom hižo wo tajkim podawku lěto pozdźišo. Pytajo za nowymi programowymi dypkami je nadobo jednomu z nich do myslow přišło, ze štyrjomi we wsy wobstejacymi dumperami wubědźowanje wuhotować. Kołwrótna ideja bě spěšnje wuprajena. Wšitcy přitomni su ju z wulkej přichilnosću přiwzali.

Tři tydźenje do swjedźenja 1995 dopomni Matthias Werner wšitkich organizatorow na mysl z lěta 1994. Werner žněješe přihłosowanje, a towarstwo přihotowaše prěnje dumperowe wubědźowanje w stawiznach třikolesatych twarskich mašinow. Zrodźene bě dumperowe wubědźowanje.

Štyrjo piloća a tři dumpery

wozjewjene w: Předźenak

Galerija

dalši wobraz (1) dalši wobraz (2)
Lětsa drje wobornicy z Róžanta funkciju čarowych stražnikow w Hórkach wukonjeć njemóžachu, hewak pak su woni spušćomny partner Lejnjanskich dumpersportowcow. dalši wobraz (3)
Druhdy dožiwiš při wubědźowanjach tež kuriozne sceny, kaž tu loni w Hórkach, jako dyrbješe pilot z mašiny skočić a ju zaso popadnyć.
Prošu přizjewće so, chceće-li komentar podać

nawěšk

nowostki LND