Česć Bohu, měr na zemi a čłowjekamdobre spodobanje

pjatk, 23. decembera 2022
artikl hódnoćić
(0 )
Prěnje zwony Michałskeje wosady z hodownym poselstwom w serbskej a němskej rěči, late 1892 w Małym Wjelkowje, stachu so z woporom swětoweju wójnow. Jürgen Maćij Prěnje zwony Michałskeje wosady z hodownym poselstwom w serbskej a němskej rěči, late 1892 w Małym Wjelkowje, stachu so z woporom swětoweju wójnow. Jürgen Maćij

Zwony Budyskeje Michałskeje cyrkwje wozjewjeja hodowne poselstwo

W lěće 1619 załoži město Budyšin Michałsku wosadu za ewangelskich Serbow wokolnych wsow. Hač do 1836 bě cyrkwinske žiwjenje w njej ryzy serbske, wot teho časa je dwurěčne. Wo tym swědča mjez druhim tři zwony na cyrkwinej wěži, kotrež ze swojim zynkom hižo 130 lět hodowne poselstwo w serbskej a němskej rěči po kraju šěrja.

Stare Michałske zwony

Po tym zo bě so Budyšin w Třicećilětnej wójnje wotpalił, da měšćanska rada za Michałsku cyrkej 1666 w Drježdźanach nowy zwón leć. Z němskim napisom bě wón wěnowany „der evangelischen wendischen Gemeinde bei der Kirche S. Michaelis“. Dlěje hač połdra lětstotka wosta tutón zwón jenički na cyrkwinej wěži. W lěće 1819 měješe česć, 200. wosadny jubilej z cyłohodźinskim zwonjenjom zahajić a zakónčić.

Hakle 1829 dósta cyrkej tři zwony. Wjetšej wotkupi Michałska trjebanej měšćanskej Pětrskej wosadźe. Přidatnje da sej w Gruhlec lijerni w Małym Wjelkowje hišće mały zwón leć. Tute tři, z napisami we łaćonskej a w němskej rěči wuhotowane zwony słužachu wosadźe hač do lěta 1892.

wozjewjene w: Předźenak

Galerija

dalši wobraz (1) Michałska cyrkej po přetwarje a zakładnym wobnowjenju w lěće 1892 Array
dalši wobraz (2) Dźensniše tři zwony na wěži Michałskeje cyrkwje pochadźeja z lětow 1991 a 2007 a su tohorunja z hodownym poselstwom w serbskej a němskej rěči wuhotowane.
dalši wobraz (3) Srjedźny zwón z napisom „Měr na zemi / Friede auf Erden“ z lěta 1892 Array
Prošu přizjewće so, chceće-li komentar podać

Serbska debata

nowostki LND