Skromne žiwjenje w jurtach

pjatk, 13. januara 2023
artikl hódnoćić
(0 )
Byrnjež samalutka w njesměrnej mongolskej dalinje w swojich jurtach bydliła a wot městna k městnu ćahnyła, ma tež tale swójba motorske, awto a fotowoltaikowu připrawu. Beno Bělk Byrnjež samalutka w njesměrnej mongolskej dalinje w swojich jurtach bydliła a wot městna k městnu ćahnyła, ma tež tale swójba motorske, awto a fotowoltaikowu připrawu. Beno Bělk

Mongolska – ducy po najrědšo wobydlenym kraju swěta

W Mongolskej maš před susodami swój měr! Kraj drje je wjac hač štyri króć wjetši hač Němska, ale tam pak bydlitaj na kwadratnym kilometru je­ničce dwaj čłowjekaj. Pola nas tołka so na nim 234 ludźi! Dokelž pak bydli ­połojca něhdźe 3,3 milionow Mongol­čanow w stolicy Ulan Bator, je wonka w zbytnym kraju hišće wjele wjac městna.

Runje tam mje nětko ćehnje. Won do prózdneje daliny, w kotrejž njejsu regionalne města wjele wjetše hač Kulow abo Wóspork. Won do daliny, w kotrejž docpěješ přichodnu jurtu hakle po 20 abo tež 50 kilometrach a hdźež dźěći druhdy sta kilometrow daloko wot doma preč do šule chodźa.

Jurta prěnjeho wječora steji 250 km zapadnje Ulan Batora. K wječeri syda tajke něšto kaž kozacy gulaš ze šalku wukisaneho mloka kobły (gegorene Stutenmilch). Potom so do samsneje šalki hišće palenc z mloka (!) naliwa. Wšitkim dźewjećom tuteje swójby derje słodźi. Po­tajkim tež moja mandźelska a ja tak ­činimoj, kaž by słodźało. Hdyž njeby mloko kobły jenož tak žałostnje wótrje wonjało ...

wozjewjene w: Předźenak

Galerija

dalši wobraz (1) Dorosćeni w pioněrskim rubišku? Woni běchu před 40 lětami šulu wuchodźili, a su so nětko k třidnjowskemu rjadowniskemu zetkanju zešli. Tam měješe awtor přinoška składnosć, so z nimi rozmołwjeć.
dalši wobraz (2) Jurty nomadow wobsteja z jeničkeho ruma, a tola bydla w njej často tři generacije. A hdyž je koza abo wowca chora, smě tež wona w jurće přenocować.  
dalši wobraz (3) Stadła wowcow, kozow abo jakow błudźa cyły dźeń po zelenej wokolinje. K dejenju pak so skót domoj wróći, hdźež jón cyła swójba zhromadnje deji.
Prošu přizjewće so, chceće-li komentar podać

Serbska debata

nowostki LND