Njedźelu, 28. hodownika 2025, poda so 48 młodostnych
z Drježdźansko-Mišnjanskeho biskopstwa do Parisa na tak mjenowane europske Taizéske modlenje. Referent biskopstwa Clemens Kannengießer postrowi nas putnikow na Drježdźanskim hłownym dwórnišću. Dypkownje wotjědźechmy z ćahom přez Frankfurt nad Mohanom, hdźež so zbytni putnicy z młodźinskim referentom Stefanom Plattnerom z Lipska přidružichu. Na dołhej jězbje z ćahom mějachmy dosć chwile, so mjez sobu bliže zeznać a hry hrać.
Chětro pozdźe a tuž tež mučni sej do Parisa dojědźechmy. Tam nam pomocnicy w centralnym přizjewjenskim zarjedźe Taizé organizatoriske informacije zdźělichu. Kóždy wobdźělnik měješe nóclěh a hłowny přebytk pola hóstneje swójby. To so mi wosobinsce jara lubješe. Tak dóstach nic jenož turistiski dohlad do mi dotal njeznateho kraja a města.
