Johanna Hadankec, 20 lět

1

Wobdźělich so w šuli na Spoken-Word-workshopje, ko­tryž je Jessy James LaFleur přewjedła. Pozdźišo běch na Spoken-Word-turje po Łužicy pódla. Jónu je so mje Pia Šnajdrec potom prašała, hač bych zajim měła na Spoken-Word-projekće sobu skutkować – a sym připrajiła.

2

Za mnje je spoken word wuměłska forma zwuraz­njenja za hłuboko sahace emocije a mysle. Mam rady sej ze słowami a rěčnymi wobrotami hrajkać a mysle formulować, kotrež přeco wótře njewuprajam.

3

Husto mam inspiraciju z wěcow, kotrež su wšědny dźeń prezentne, ale so přeco wotewrjenje njenarěča – skerje temy, kotrež podwědomje zaznawam. To móža towaršnostne temy być, ale wězo tež jara wosobinske dožiwjenja.

4

Hdyž mam mysličku, ju hnydom napišu. Husto nastaw­a při tym najprjedy hruby tekst. Rěčne a stilistiske nadrobnosće potom pozdźišo k tomu přińdu a wuwiwaja so hakle w běhu předźěłanja.

5