Memorandum Serbow kedźbnosć zbudźił

pjatk, 23. januara 2026

143

E-Paper: Serbske Nowiny 16

artikl hódnoćić

(0 )

wulkosć pisma Schriftgröße verkleinern Schrift vergrößern

Serbja su z Čechami wusko zwjazane. Zastupjerjo z Łužicy prócowachu so po Druhej swětowej wójnje samo wo to, zo měła so Łužica Čěskosłowakskej přirjadować. Wotpowědny memorandum ze žadanjemi Serbow su zastupjerjam z Ruskeje přepodali. Benedikt Cyž

Serbske powójnske hibanje před 80 lětami – 1. dźěl

Před 80 lětami bě Hornja Łužica mjez Budyšinom a Kamjencom krawne bitwišćo – wuraz „Dolina smjerće“ na to dopomina. Loni je Benedikt Cyž wo tym přinošk z třoch dźělow za Předźenak napisał. Tónkróć wěnuje so wón serbskemu powójnskemu hibanju před 80 lětami. Hibanje docpě swój wjeršk 27. januara 1946 z wólbu do Łužisko-serbskeho narodneho wuběrka, štož běše poprawny legitimowany politiski gremij w Hornjej Łužicy. Wuběrk bu wot Narodneje rady nawjedowany. Za čas NDR bě tuta doba mjenje abo bóle zamjelčana.

Lěto 1945 – pěši z Dachauwa do Prahi

wozjewjene w: Předźenak

Galerija

5. julija 1945 je so w Devinje, blisko Bratisławy w Słowakskej prěnja wulka powójnska demonstracija pod mjenom Wšosłowjanski dźeń přewjedła. Na nim je so wobdźěliła serbska delegacija pod nawodom fararja Jana Cyža. Wón je předstajił situaciju Serbow w Němskej a jich prócowanje so přidružić k ČSR. To wuwabi mjez wobdźělnikami solidaritu a tak předawachu póštowu kartu ze znamkami a wosebitym kołkom. Wunošk dóstachu Serbja za jich prócowanja wo swobodu. Pjenjezy je Narodna rada wužiwała za wšelake podpěry Serbow, kaž ferialne kursy za šulerjow.

„Smě Němska dźensa hišće bjezmócnych Słowjanow zadźeržeć?“ piše narodny wuběrk Serbow w namołwje, kotraž je tule w čěskej rěči zwobraznjena.

wjace z tohole wobłuka: « Čestnohamtske dźěło Kulowčance nutřkowna potrjeba « Bujna zeleń a wobkuzłaca krajina

Prošu přizjewće so, chceće-li komentar podać

k spočatkej