Schrift vergrößern
2014 předstaješe čěske dźiwadłowe towarstwo Nepřijatelní swětowu prapremjeru hry Beaty Mičerlichoweje a Ingrid Hustetoweje „Wódny muž“ w přełožku Radeka Čermáka. Hra je so čěsce a kusk delnjoserbsce předstajiła a w lěće 2016 je dramaturg Ondřej Šrámek jeje natočenje w Čěskej telewiziji produkował. W Serbach njeje so hra do dźensnišeho ženje inscenowała. Cover: Nepřijatelní
Sobotu, 8. februara před šěsć lětami sta so něšto njewočakowane: Ludźo w jenož napoł wobsadźenej žurli Budyskeho dźiwadła su sej na serbskej prapremjerje jendźelskeje hry Dołhož fenki běža cyły wječor ze směchom brjuch dźerželi a na kóncu do směra dźiwadźelnikow brawo wołali.
