W tysacach domjacnosćow po cyłej Němskej je nastroj připrawjeny, z kotrymž móža wužiwarjo wo pomoc ­wołać. Milenka Rječcyna je so z Koslowčanom Bosćijom Měršom ­rozmołwjała, kiž so za wužiwanje ­tohole poskitka ­zasadźuje.

K čemu słuži tak mjenowane wołanje w nuzy wot doma (Hausnotruf)?

W prěnim rjedźe słuži system k tomu, zo móhli ludźo w nuzy wo pomoc wołać. Doma so najwjace njezbožow stawa. Podpěramy wosebje wěstosć ludźi, kotřiž chcedźa w swojim bydlenju wostać a samo postajejo žiwi być. Posłužujemy pak tež bydlenske towaršnosće. Přetož wjetšina ludźi nochce do někajkeje hladarnje abo chorownje. Nimo toho su zarjadnišća kaž hladarnje tež chětro drohe.

Staraće so Wy wo to, zo bychu zarjadnišća a tež jednotliwcy zmysł poskitka rozumili?