Loni w nowembrje je awtor přinoška Jan Kral Acorske kupy wopytał. W druhim dźělu rozprawja wón wo kupje Terceira.

Po rjanych dnjach na kupje São Miguel podachmoj so na přichodnu kupu Acorow, na kupu Terceira. Tuta je 400 km² wulka, 29 km dołha a 17,5 km šěroka. Hodźi so potajkim poměrnje derje a w krótkim času z awtom wobjěć. Jednotliwe kupy Acorow docpěć je na wšelakore wašnje móžno. ­Nimo přewoza z łódźu so pak skerje lětadła wužiwaja. To je spěšniše a dru­hdy tež přijomniše. Za wariantu z lěta­dłom maja tu mjeńše propelerowe lětadła typa DHC-8. Po jenož 45 mjeńšinach smój na lětanišću Terceira-Lajes přizemiłoj.