Hamas hrozy ze smjerću ludźi
Gaza (dpa/SN). Razne mjezsobne hroženja tak a tak hižo chabłacy přiměr mjez Israelom a Hamas dale poćežuja. Ze swojim ultimatiwnym „poslednim warnowanjom“ žada sej prezident USA Donald Trump wot Hamas, zo wšitkich zastajencow nablaku pušći. Terorowa organizacija hrozy zastajencow morić, dyrbjał-li Israel Palestinjanow zaso nadběhować. Wurjadny pósłanc USA Steve Witkoff so nadźija, konflikt z jednanjemi rozrisać móc.
Bamž wěriwym so dźakował
Rom (dpa/SN). Prěni króć po zapokazanju do chorownje před třomi tydźenjemi je so bamž Franciskus z awdijowym poselstwom na wěriwych wobroćił. Z cyłeje wutroby so wón za paćer a dobre přeća dźakuje a wěriwych ze swojej modlitwu přewodźa, 88lětny rjekny. Poselstwo su wčera wječor na Pětrowym naměsće w Romje wozjewili. Tam zhromadźuja so kóždy wječor wěriwi a duchowni, zo bychu so za ćežko choreho swjateho wótca róžowc modlili.
China kritizuje nowe cła USA
Wosrjedź dospołnje zničeneho Gazaskeho pasma, tu w sydlišću ...
Rozmołwyw rozsudnej fazy
Ludźo nowe kredity witaja
Madźarskaso EU spjećuje
EU planuje masiwne brónjenje
Brüssel (dpa/SN). Reagujo na nowy wonkopolitiski kurs USA z Donaldom Trumpom na čole chce Europska unija brónjenje masiwnje zesylnić. EU „swoju powšitkownu hotowosć zakitowanja stopnjuje. Z tym wotstroni kritiske njedostatki a skrući technologiski a industrijny zakład za zakitowanje Europy“, rěka w zhromadnej deklaraciji wšěch 27 statnych a knježerstwowych šefow EU po krizowym zetkanju w Brüsselu.
Za to chcedźa namjet za nowe kredity we wobjimje hač do 150 miliardow eurow za zakitowanske wudawki zdźěłać a w tym zwisku wuwzaća w europskich prawidłach zadołženja přesadźić. Europska banka za inwesticije ma po woli knježerstwowych šefow swoje prawidła za přewostajenje kreditow tak změnić, zo móže inwesticije do brónjenja podpěrować.
Komisija EU bě spočatk tydźenja plan předstajiła, z kotrymž chcedźa Europu masiwnje wobrónić. Za to planuja inwesticije 800 miliardow eurow.
Za swoje žadanja demonstrowali
To a tamne (07.03.25)
Nowa europska ciwilna raketa Ariane 6 je wuspěšnje do swětnišća wotlećała. Raketa je po planje na europskim swětnišćowym zepěranišću Kourou w Francoskej Guayanje na komercielny lět startowała. Wšitke nastroje perfektnje dźěłachu. Transportowany satelit su na prawym městnje w swětnišću wusadźili. Satelit dźěła za francoske wójsko. Prěni lět bě Ariane 6 loni w lěću w dalokej měrje wuspěšnje zmištrowała.
Swětnišćowy program „Starship“ Elona Muska je dalšu poražku poćerpjeł. Najwjetši hdy natwarjeny raketowy system swětnišćowych stawiznow njeje swój testowy lět po planje wotzamknyć móhł. Po wotlěće bě „Starship“ njeplanowanu demontažu poćerpjeł, na čož kontakt k rakeće zhubichu, předewzaće SpaceX w USA zdźěla. Raketa so rozpušći a padny do morja. Nichtó so njezrani.
Rößler namołwja CDU: Šansu na nowozapočatk njeskepsać
Politiska popjelna srjeda sakskeje CDU, kotruž zapósłanc strony Marko Šiman wot lěta 1993 zarjaduje, je dale woblubowane zarjadowanje. Tole je so tež wčera zaso pokazało.
Budyšin (SN/MkWj). Połnje wobsadźena bě Budyska „Króna“ wčera z hosćimi, kotřiž běchu na mjeztym 31. politisku popjelnu srjedu sakskeje CDU přichwatali. Serbski zapósłanc CDU w Sakskim krajnym sejmje Marko Šiman, hłowny zamołwity tradicionalneho zarjadowanja, witaše zaso zajimawych hosći: Přeprosył bě sej wón lětsa wulkopósłanca Madźarskeje republiki w Němskej Pétera Györkösa a bywšeho prezidenta Sakskeho krajneho sejma dr. Matthiasa Rößlera (CDU). W žurli bě tež tójšto Serbow.
Madźarski hósć skedźbni w swojej narěči na historiske styki, kotrež sahaja hač do 15. lětstotka. Tehdy słušeše Hornja Łužica 21 lět k Madźarskemu kralestwu. Hordźe Györkös rozprawješe, zo je w Budyskim měšćanskim archiwje wotpowědne wopisma widźał.
