Wodorunje: 3 ródna wjes Krabata, 5 nic mało, 6 pomocnica při porodźe, 7 dźěl kolesowarskeho wubědźowanja, 10 spěšnje, 13 wonjaca kwětka, 14 stolica Tibeta, 15 wulka rostlina

Padorunje: 1 šulske žurle, 2 grjekski pismik, 3 wobšudźer, 4 rostlina za kurjakow, 8 dobre słowa zrudnemu, 9 duchowny spěw, 11 drohotny kamjeń, 12 horiny mjez Europu a Aziju

Wodorunje: 3 dobyćer mejemjetanja, 5 prěni direktor našeho ansambla (Jurij), 6 postrow namórnikow, 7 słódki napoj, 10 hoberske morjo, 13 znata wosobina, 14 rosće na łuce, 15 žónske předmjeno

Padorunje: 1 přiwuzny, 2 tak a ..., 3 serbski hudźbnik (Bjarnat), 4 słód, 8 spisar, 9 wulka žiła, 11 zapal, 12 přitok Dunaja

Pytaće-li wulětny cil za kónc tydźenja, njetrjebaće so poprawom předaloko roz­hladować. Wšako je w blišej wokolinje tójšto rjanych blečkow, na kotrychž móža sej zajimcy něšto wobhladać abo prosće trochu so wočerstwić. Mjez druhim móža to w biotopowym zwjazku w Kamjenej pola Rakec činić. Na arealu bywšeje kaolino­weje jamy nasta před 20 lětami park z hatnym biotopom, hrodowej ruinu a hraj­kanišćom. Předewšěm tohodla sej rady swójby z dźěćimi tam dojědu. Foto: Carmen Schumann

Wojerecy (SN/JaW). Měšćanski muzej we Wojerecach planuje za lěćo fotowu wustajeńcu w kotrejež srjedźišću steji wosebita skulptura tamnišeho zwěrjenca. Zo móhli wustajeńcu zestajeć, trjebaja pomoc wopytowarjow zwěrjenca.

Kaž muzej w nowinskej zdźělence piše jedna so při skulpturje wo „Skupinu kozow“ z mosaza w coowje. Zhotowiła je ju wuměłča Dorothea von Philipsborn. Wot 1960tych lět steji twórba we Wojerowskim zwěrjencu. „Štó je hižo na chribjeće našich bronzowych kozow sedźał?“, praša so nawodnica Wojerowskeho měšćanskeho muzeja Kerstin Noack. Wšako słuša skulptura k najwoblubowanišim fotowym motiwam w zwěrjencu. „Tuž chcemy ju z wosebitej wustajeńcu hódnoćić. Pósćelće nam tuž swoje fota, kak jako dźěćo abo nětko snano samo waše dźěći abo wowka, dźěd, prěni lětnik abo tež waši přećeljo na tychle kozach sedźa“, Noack namołwja. Zapodać móžeće fota hač do 10. junija pak z e-mejlku na , abo zaskenujće je wosobinsce w muzeju, a to wot póndźele do pjatka w času wot 9 do 10 hodź.