„Serbski rekwiem“ w dotal njesłyšanej interpretaciji

pjatk, 21. oktobera 2016
artikl hódnoćić
(0 )
Chór, solisća, orchester a dirigentka zawostajichu w Chróšćanskej cyrkwi njezapomnite hudźbne dožiwjenja.  Foto: SN/Maćij Bulank Chór, solisća, orchester a dirigentka zawostajichu w Chróšćanskej cyrkwi njezapomnite hudźbne dožiwjenja. Foto: SN/Maćij Bulank

Ketličanski kantor Korla Awgust Kocor wužiwaše za swój „Serbski rekwiem“, kiž wón w lěće 1894 na bibliske teksty skomponowa, narěč ewangelskich Serbow Budyskeho kraja. Wuznamne na tutej twórbje je tohorunja, zo ju załožer serbskeje wuměłskeje hudźby sam zorchestrowa, mjeztym zo spisa za tamne swoje twórby wulkeje hudźbneje formy jeničce klawěrny přewod. Wón so tež pola „Serbskeho rekwiema“ za wersiju komornohudźbneho rozměra rozsudźi.

Prapremjera jeho poprawneho duchowneho testamenta pak da nimale sto lět na so čakać. Wot prěnjeho předstajenja w lěće 1988 bu twórba někotre razy z jara dobrym wothłosom předstajena. Tuta jenička cyłkowna orchestracija jedneje z oratoriskich kompozicijow našeho hudźbneho mištra płaći nětko jako přikład, kak drje je sej wón orchestrowanje swojich oratorijow předstajił.

wozjewjene w: Kultura & wuměłstwo
Prošu přizjewće so, chceće-li komentar podać

nawěšk

nowostki LND