Dalši test doma w Chrósćicach

wutora, 18. awgusta 2020
artikl hódnoćić
(0 )
Lucian Zahrodnik (nalěwo, Chrósćicy) bě w testowej hrě přećiwo rezerwje Biskopičanskeho KT jedyn z najagilnišich Chróšćanow. Naprawo wobkedźbuje hrajnu scenu Klemens Mark.  Foto: Jörg Stephan Lucian Zahrodnik (nalěwo, Chrósćicy) bě w testowej hrě přećiwo rezerwje Biskopičanskeho KT jedyn z najagilnišich Chróšćanow. Naprawo wobkedźbuje hrajnu scenu Klemens Mark. Foto: Jörg Stephan

SJ Chrósćicy – Biskopičanske KT II 3:1 (0:0)

Zasadźeni hrajerjo: Králíček – B. Cyž, F. Cyž, Sentivan, Mark, L. Zahrodnik, Zynda, G. Zahrodnik, M. Zahrodnik, F. Zahrodnik, Paška, Handrik

Při horcych temperaturach steješe za Chróšćanow njedźelu tydźenja druhi test na planje. Z hosćom bě rezerwa z Biskopic. Młode mustwo bě po zašłej hrajnej dobje do wokrjesneje wyšeje ligi postupiło. Hnydom wot spočatka wobě mustwje doprědka tłóčeštej. Tak móhło bjezdwěla w prěnjej mjeńšinje hižo 1:0 stać. Přez prawu stronu bě so Bosćij Cyž derje přesadźił. Flanka docpě Luciana Zahrodnika, tola Zahrodnikowa třělwa wrota snadnje misny. K dalšim wulkim šansam pak w spočatnej fazy přišło njebě, dokelž falowaše domjacym dokładnosć a hosćom zaměrnosć w nadběhu. Chróšćenjo spytachu nadběhi přez wonkownych hrajerjow natwarjeć. Tomu pak móžachu hosćo derje zadźěwać. Tak wuwi so wote­wrjena hra bjez wulkich šansow na woběmaj stronomaj.

wozjewjene w: Sport
Prošu přizjewće so, chceće-li komentar podać

Serbska debata

nowostki LND