Po wulkim boju a zastatkuBayerow tola hišće přewinyli

wutora, 23. měrca 2021
artikl hódnoćić
(0 )
Třo přećiwo jednomu. Wo puk wojuja wotlěwa Korbinian Geibel (40, Běła Woda), Nick Walters (3, Běła Woda), Tylor McNeely (94, Bad Tölz) a Mac Carruth (78, Běła Woda). Běłowodźenjo su faworizowanych Bayerow w přidatnym hrajnym času hišće přewinyli.  Foto: Thomas Heide Třo přećiwo jednomu. Wo puk wojuja wotlěwa Korbinian Geibel (40, Běła Woda), Nick Walters (3, Běła Woda), Tylor McNeely (94, Bad Tölz) a Mac Carruth (78, Běła Woda). Běłowodźenjo su faworizowanych Bayerow w přidatnym hrajnym času hišće přewinyli. Foto: Thomas Heide

Łužiske liški Běła Woda – ­Tölzske lawy 5:4 po podlěšenju (1:0, 1:2, 2:2, 1:0)

157 mjeńšin lodohokejisća z Bad Tölza hižo žane přećiwniske wrota přijimali njeběchu a nimo toho su w minjenych šěsć hrach stajnje jako dobyćer z lodu šli. Faworit bě do duela z Hornjołužičanami tuž jasny. Wšitko wupadaše za tym, zo pojědu hrajerjo z Bayerskeje tež tónraz jako dobyćer domoj. Wšako hišće štyri mjeńšiny do kónca 4:2 nawjedowachu. Tola w lodohokeju móže so w běhu jenož někotrych sekundow tójšto změnić. A tak sta so tež w liščej jamje.

Tölzske lawy startowachu lěpje do hry, nawjedowanje pak so jim w prěnich mjeńšinach njeporadźi. Čim dlěje hra traješe, ćim lěpje so domjacy do partije namakachu, a počasu ju samo dominowachu. Tak dźěchu po wrotach Thomasa Reichela w 13. min. tež z 1:0 zasłužbnje do prěnjeje přestawki.

Wosom sekundow po znowazahwizdanju postara so čěski hrajer Tomáš Andres­ z rjanej třělwu do hornjeho kuta wo 2:0. W 30. min. hosćo w powerplayju najprjedy skrótšichu, prjedy hač pjeć mjeńšin na to wurunachu.

wozjewjene w: Sport
Prošu přizjewće so, chceće-li komentar podać

nawěšk

nowostki LND