Tež mjeztym třeći derby dobyli

srjeda, 22. septembera 2021
artikl hódnoćić
(0 )
Měrćin Kurjat (prědku, Ralbicy) spyta so w šěsnatce Njebjelčanow přećiwo Romanej Mjecheli přesadźić. Wobaj hrajerjej staj w serbskim koparskim derbyju wrota třěliłoj. Foto: Konstantin Hrjehor Měrćin Kurjat (prědku, Ralbicy) spyta so w šěsnatce Njebjelčanow přećiwo Romanej Mjecheli přesadźić. Wobaj hrajerjej staj w serbskim koparskim derbyju wrota třěliłoj. Foto: Konstantin Hrjehor

Sokoł Ralbicy/Hórki II – SJ Njebjelčicy II 4:1 (3:0)

Za domjacych zasadźeni: Bjeńš – Kobalc, Materna, Lulak, K. Matka, M. Matka, Budar, Schulze, Kocor, Hrjehor, M. Kurjat, Jakubaš, Zimmermann, Lešawa

Za hosći zasadźeni: Wićaz – Reinelt, Deleńk, Šram, Kral, Hübenthal, Čornak, Mjechela, Malaschkin, Rudolf, Cyž, Zeller, Rösiger

Po tym zo bě druhe koparske mustwo Sokoła Ralbicy/Hórki hižo rezerwu ST Marijineje Hwězdy/Mały Wosyk a druhe zastupnistwo z Němskich Pazlic porazyło, poradźi so jemu njedźelu připołdnju přećiwo druhemu zastupnistwu z Njebjelčic dalše dobyće.

Wot spočatka mějachu Sokoljo hru pod kontrolu a spěšnje z 2:0 nawjedowachu. Po tym zo bě škitar André Šram bul w šěsnatce na ruku dóstał, Pascal Budar jědnatku jara wěsće přetwori (4.). Jenož pjeć mjeńšin pozdźišo posłuži Budar Měrćina Kurjata z rjanej přihrawku. A tón na to lesćiwje kulowatu kožu z 13 metrow do klětki přećiwnika prasny. Hdys a hdys jewjachu so Njebjelčenjo po spěšnych konterach tež raz w šěsnatce hosćićela, před wrotami pak jim nimale přeco čuwy zaprajichu.

wozjewjene w: Sport
Prošu přizjewće so, chceće-li komentar podać

nawěšk