Dobre wuslědki najebać hubjene wjedro

wutora, 13. septembera 2022
artikl hódnoćić
(0 )
Serbski běhar a rozprawjer wo běhanskich wubědźowanjach Jurij Nuk z Budyšina w akciji.  Foto: Jörg Stephan Serbski běhar a rozprawjer wo běhanskich wubědźowanjach Jurij Nuk z Budyšina w akciji. Foto: Jörg Stephan

Jedne z najstaršich a najrjeńšich wubědźowanjow běharjow a lubowarjow walkinga w Hornjej Łužicy je stajnje zaso Wopačanski Běłobóhski běh we Łužiskim hórskim kraju. Po dwulětnej nanuzowanej přestawce korony dla su 28. žnjenca hižo 41. króć tute wubědźowanje přewjedli. Meteorologiske wuměnjenja pak njeběchu idealne. Chětro dešćikojte a poměrnje zymne wjedro najlěpše wonkowne wuměnjenja njelubješe. Agilne Wopačanske sportowe zjednoćenstwo pak je lětuše wurisanje běharjow znowa přikładnje organizowało. Woby­dlerjo w tutym nakromnym dźělu Wopakeje su sportowcow chětro pohonjowali, su přikleskowali a zdobom swoje domy a zahrody rjenje wupyšili.

Běhi hódnoćachu so tež zaso za wotpowědne rjadne lisćiny na distancach 1,5 km, 4,9 km, 12 km a 20 km. Za dźěći w starobje pod štyrjomi lětami běše zaso bambinijowy běh na 400 metrow, jedne koło na běžni po stadionje. Dźewjeć pjerachow to zmištrowa. Mjez nimale 300 starteramio horstka serbskich lubowarjow běhanja na jednej z poskićenych čarow wuspěšnje sobu wubědźowała.

wozjewjene w: Sport
Prošu přizjewće so, chceće-li komentar podać

Serbska debata

nowostki LND