Koparski turněr zakładnych šulow

štwórtk, 06. oktobera 2022
artikl hódnoćić
(0 )
We Worklečanskej sportowni přihotuja so šulerjo Serbskeje zakładneje šule Worklecy hižo dlěši čas na šulske swětowe koparske mišterstwa.  Foto: Tadej Cyž Njebjelčanski We Worklečanskej sportowni přihotuja so šulerjo Serbskeje zakładneje šule Worklecy hižo dlěši čas na šulske swětowe koparske mišterstwa. Foto: Tadej Cyž Njebjelčanski
Zhromadnje z wokrjesnym sportowym zwjazkom a z podpěru krajneho zarjada za šule a kubłanje (LaSuB) přewjedu nowiny Wochenkurier štwórtk, 13. oktobra, tak mjenowane swětowe mišterstwa w kopańcy. Narěčane buchu wšitke zakładne šule Budyskeho wokrjesa. Cyłkownje je so 20 kubłanišćow za tute wubědźowanje přizjewiło, kotrež wotměje so na Budyskej Młynkec łuce. Mjez wobdźělnikami stej tež serbskej zakładnej ­šuli z Radworja a Worklec. Radworčenjo zastupuja na turněrje Japansku a Wor­klečenjo reprezentuja Uruguay. Wobaj koparskej zwjazkaj wobdźělitaj so tež na woprawdźitych swětowych koparskich mišterstwach w Katarje. Dalše wobdźělnicy su mjez druhim šule z Budyšina, Wojerec, Rakec, Kamjenca a Radeberga. Zo bychu młodźi serbscy koparjo tež derje přihotowani byli, trenuja hižo pilnje. Štóž chce sej turněr wobhladać, móže sebi rady do Budyšina dojěć. Zakop budźe dopołdnja w 10 hodź. Po předkole sćěhuje wot někak 13 hodź. finalne koło. Dobyćerjej kiwa wobdźělenje na sakskim finalu w Lipsku.
wozjewjene w: Sport
Prošu přizjewće so, chceće-li komentar podać

słowo lěta 2022

nawěšk

nowostki LND