Po dobyću w derbyju doma znowa přěhrali

srjeda, 02. nowembera 2022
artikl hódnoćić
(0 )
Po dobyću serbskeho koparskeho derbyja tydźenja w Chrósćicach su koparjo Sportoweje jednotki Njebjelčicy njedźelu zaso přěhrali, a to doma přećiwo hosćom z Łutow. Tuž čakaja přiwisnicy SJN dale na tři dypki w domjacym stadionje.  Foto: Konstantin Hrjehor Po dobyću serbskeho koparskeho derbyja tydźenja w Chrósćicach su koparjo Sportoweje jednotki Njebjelčicy njedźelu zaso přěhrali, a to doma přećiwo hosćom z Łutow. Tuž čakaja přiwisnicy SJN dale na tři dypki w domjacym stadionje. Foto: Konstantin Hrjehor

SJ Njebjelčicy – FSV Łuty 0:2 (0:1)

Zestawa SJ Njebjelčicy: Nico Hahn – Ronny Hanuza, Daniel Kral, Jakub Šołta, Christoph Pawlik (88. Anton Malaškin), Paul Hrjehor, Handrij Korjeńk, Józef Matješk (46. Gabriel Čornak), Clemens Reinelt (46. Luca Šmit), Florian Domš (72. Nico Schuster), Oliver Domš

Mustwo Sportoweje jednotki Njebjelčicy pohosći njedźelu cyłk z Łutow. Po wuspěchu přećiwo Chróšćanam dźěchu Njebjelčenjo z wjele euforiju do hry a chcychu na dobyće minjeneho tydźenja nawjazać. Hra bě spočatnje jara wurunana, wobě mustwje móžeštej dobre akcenty doprědka sadźeć. Hosćićelam poradźi so to přez dobre kombinacije, hosćom předewšěm přez dołhe přihrawki. Po njeporadźenym wróćopołoženym bulu na Nica Hahna zdoby sej přećiwniski nadběhowar bul, zwrěšći pak w akciji přećiwo sylnje dźeržacemu wrotarjej. Njedosahaceho wužiwanja šansow wobeju mustwow dla steješe ke kóncej prěnjeho połčasa hišće 0:0. Krótko do zahwizdanja přestawki pak poradźichu so hosćom tola hišće wrota k 0:1 (38.).

wozjewjene w: Sport
Prošu přizjewće so, chceće-li komentar podać

Serbska debata

nowostki LND