Wubranka Marokka sensaciju docpěła

srjeda, 07. decembera 2022
artikl hódnoćić
(0 )
Trenar Marokka Walid Regragui a hrajerjo su po njewočakowanemu dobyću w třělenju jědnatkow přećiwo Španičanam zbožowne.  Foto: dpa/Robert Michael Trenar Marokka Walid Regragui a hrajerjo su po njewočakowanemu dobyću w třělenju jědnatkow přećiwo Španičanam zbožowne. Foto: dpa/Robert Michael

Španiska bě wčera we wosmifinalnej hrě swětowych koparskich mišterstwow dominantne mustwo, wrota pak w regu­larnym a přidatnym hrajnym času žane njetřěli. A tež w třělenju jědnatkow zaprajichu mjenujcy superstaram čuwy. Marokkočan pohlada, krótki zaběh, cyle wólny chip dosrjedź wrotow, potom bě sensacija perfektna. Achraf Hakimi rozsudźi třělenje jědnatkow we wosmifinalu mjez Marokkom a Španiskej na dobro Afričanow. Do toho bě Španiska swoje prěnje tři pospyty rozdała. Pablo Sarabija trjechi žerdź, potom parěrowaše wrotar Bono přećiwo Carlosej Solerej a Sergijej Busquetsej. Hakimi přetwori rozsudnu jědnatku a postara so wo wurjadnu kulisu w stadionje. Španiska měješe 77 procentow hrajneho časa bul, ale w kopańcy liča jenož wrota a tute wone po 120 mjeńšinach njedocpěchu. Marokkočenjo steja prěni króć w swojich stawiznach we WM štwórćfinalu. Tam nastupja sobotu w 16 hodź. přećiwo Portugalskej.

wozjewjene w: Sport
Prošu přizjewće so, chceće-li komentar podać

nawěšk

nowostki LND