Poražka pola načolnika

wutora, 27. februara 2024
artikl hódnoćić
(0 )
Trenar a hrajer prěnjeho koparskeho mustwa SJ Chrósćicy Pavel Runt bě najebać poražki pola načolnika w Niskej ze swojim mustwom spokojom. Njedźelu popołdnju wot třoch hraja Chróšćenjo potom zaso doma, a to přećiwo pjatemu krajneje klasy, přećiwo cyłkej z Wesenitztala.  Foto: Jörg Stephan Trenar a hrajer prěnjeho koparskeho mustwa SJ Chrósćicy Pavel Runt bě najebać poražki pola načolnika w Niskej ze swojim mustwom spokojom. Njedźelu popołdnju wot třoch hraja Chróšćenjo potom zaso doma, a to přećiwo pjatemu krajneje klasy, přećiwo cyłkej z Wesenitztala. Foto: Jörg Stephan

Přezjednota Niska – SJ Chrósćicy 2:0 (1:0)

Zestawa SJC: Králíček – Mark, F. Cyž, Černohorský, Graf, Marx, G. Zahrodnik (65. Matješk), M. Zahrodnik, Hawš (46. Kreuz), L. Zahrodnik (74. Rätze), Bogusz (86. Wencel)

Róla faworita běše sobotu w Niskej jasnje rozdźělena. Domjacy maja w tabulce hižo něšto dypkow předskoka a běchu minjenu hru w Chrósćicach jasnje za sebje rozsudźili. Přiwšěm chcychu Chróšćenjo na minjene hry nawjazać a domjacych tak dołho kaž móžno mjerzać.

Wot spočatka hry pokazachu hosćićel­jo swoju klasu a bul derje w swojich rjadach dźeržachu. Z hry sem pak sej koparjo z Niskeje jeno mało šansow wuhrachu. Tola w 10 min. padny 1:0 za domjacych. Po wotkopje dobychu domjacy dwubój w powětře a bul padny k Luce Pluta, kiž sam na Petra Králíčeka běžeše a hrajny nastroj do klětki suny. Po tym běchu hosćićeljo dale mustwo z wjetšimi hrajnymi podźělemi. Chróšćenjo pak so derje organizowachu a z tym rumy za domjacych derje zastajichu. Tola při­wšěm sej domjacy někotre šansy přez spěšne kombinacije wuhrachu. Tute pak njewužichu.

wozjewjene w: Sport
Prošu přizjewće so, chceće-li komentar podać

Serbska debata

nowostki LND