Złoto sej wubědźili

wutora, 10. januara 2017
artikl hódnoćić
(0 )
Dobra nalada knježeše mjez holcami 9. do 11. lětnika Serbskeho gymnazija Budyšin po dobyću złoteje medalje tele dny na regionalnym volleyballowym finalu. Wone wobdźěla so nětko 15. měrca na sakskim finalu w Dippoldiswaldźe. Stejo wotlěwa su to Luiza Šubertec, Kira Hrjehorjec, Nele Pjetašec, Tadeja Šeferec, Wibke Zickmüller, Helena Hejduškec, Sophie Hejduškec a Lea Krječ marjec.  Foto: Měrko Korjeńk Dobra nalada knježeše mjez holcami 9. do 11. lětnika Serbskeho gymnazija Budyšin po dobyću złoteje medalje tele dny na regionalnym volleyballowym finalu. Wone wobdźěla so nětko 15. měrca na sakskim finalu w Dippoldiswaldźe. Stejo wotlěwa su to Luiza Šubertec, Kira Hrjehorjec, Nele Pjetašec, Tadeja Šeferec, Wibke Zickmüller, Helena Hejduškec, Sophie Hejduškec a Lea Krječ marjec. Foto: Měrko Korjeńk

W Rychbachu pola Lubija wotmě so regionalne volleyballowe finale starobneje skupiny II pod hesłom „Młodźina trenuje za olympiju“. Mjez wobdźělnikami štyrjoch najlěpšich šulow wuchodneje Sakskeje dobychu holcy 9. do 11. lětnika Serbskeho gymnazija Budyšin (SGB) wšitke partije z 2:0 a pojědu w měrcu na krajne finale do Dippoldiswaldy.

Najwuspěšniše holče volleyballowe mustwo Budyskeho Serbskeho gymnazija je so štwórty raz za sobu za sakske finale skwalifikowało. To je w tutej bulosportowej družinje nowy rekord na SGB. Po dobyću bronzy w aprylu 2014 a 6. městnje w měrcu 2015 wubědźichu sej hrajerki wokoło kapitanki Luizy Šu­bertec loni slěbro a před něšto dnjemi samo złoto.

wozjewjene w: Sport
Prošu přizjewće so, chceće-li komentar podać

Serbska debata

nowostki LND