Sport (21.04.23)
Worklečanki hraja wo postup
Prěnje wolejbulowe mustwo žonow sportoweho towarstwa Viktorija Worklecy hraje jutře w Rózborku wo postup do sakskeje klasy.
22.04. 12:00 Ochranow. wolejfantki –
Viktoria Worklecy (žony)
22.04. 14:00 TSV Kundraćicy –
Viktoria Worklecy (žony)
Štyri hry w samsnym času
W Njebjelčicach změja přiwisnicy kopańcy njedźelu po dołhim času zaso raz předehru. Koparske mustwo hrajneho zjednoćenstwa Ralbicy/Njebjelčicy hraje tam wot 13 hodź. přećiwo rezerwje z Lubuša. Po tym sćěhuje hłowna hra, hdźež wočakuje cyłk trenarskeho duwa Daniel Ričel / Handrij Krawčik mustwo nazwučowaraja Stephana Pruchi. W samsnym času hraje so njedźelu tež w Chrósćicach, Ralbicach a w Radworju.
21.04. 19.00 SZ Großnaundorf –
Sokoł Ralbicy/Hórki
22.04. 15:00 ST Hnašecy-Dobruša –
Módro-běli Kulow
22.04. 15:00 ST Lubuš –
ST Marijina hwězda
23.04. 14:00 Jednota Wernigerode –
Budissa Budyšin
23.04. 12:30 SJ Chrósćicy II –
ST Wulka Dubrawa
23.04. 13:00 Ralbicy II/Njebjelčicy II –
ST Lubuš II
23.04. 14:00 Sokoł Ralbicy/Hórki –
ST Porchow
23.04. 15:00 SJ Chrósćicy –
Drježdźanski SC
23.04. 15:00 ST Radwor –
SC Großröhrsdorf
23.04. 15:00 SJ Njebjelčicy –
Wóslink/Skask./Kulow II
Hraja hač do połnocy
Bjez dobyća
BSV Sebnica – SJ Chrósćicy 2:2 (0:1)
Zestawa hosći: Králíček – Janca, B. Cyž, Sentiwan, Kreuz (64. Mark), L. Zahrodnik (72. Mützner), G. Zahrodnik, M. Zahrodnik, Matješk (82. Rätze), Krawc, Młynk
Chróšćanscy koparjo podachu so minjenu sobotu do Sebnicy. Tam chcychu rezultat z prěnjeje połserije, jako běchu jasnje ze 4:0 dobyli, wopodstatnić a tak prěnje dobyće w druhej połseriji swjećić. W 31. min. so Maik Janca na prawym křidle přesadźi a bul do strašneje cony sflankowa. Pawl Krawc duel w powětře doby a k Michałej Młynkej zhłójčkowa. Hórčan podlěši bul k 1:0 za SJC do wrotow hosćićela. Tak zwosta k połčasej snadny předskok za Chróšćanow.
Oertel rady tež do Łužicy přijěł
Klóšterscy koparjo přesłabi před wrotami
ST Marijina hwězda –
Wojerowski FC II 0:3 (0:0)
Zestawa domjacych: Matik – Hoge, K. Pakoßnick (80. Langer), Zynda, Ladewig, Schmidt (85. Wünsche), Cyž, Zelnak, Eldor (85. Čornak), J. Pakoßnick, Clausen (60. Bulank)
Na 18. hrajnym dnju wokrjesneje ligi běše druhe zastupnistwo Wojerowskeho FC w Pančicach-Kukowje z hosćom. Hosćićeljo chcychu wězo swoju dobyćersku seriju dale wjesć a tak swój běły lac wobchować.
Wuslědki (19.04.23)
Kopańca, wokrjesna liga stafla II
Rakečanske ST II – SJ Njebjelčicy wupad
Němske Pazlicy II – Chrósćicy II 1:3 (1:1)
Marijina hwězda – Wojerecy II 0:3 (0:0)
ST Hlinowc – ST Lubuš 5:1 (3:1)
Zeleno-běli Sepicy – FSV Łuty 1:3 (0:1)
1. ST Hlinowc 17 69 : 13 49
2. LSV Hory 18 59 : 38 38
3. FSV Łuty 18 35 : 26 35
4. Nat. Němske Pazlicy II 17 46 : 20 34
5. ST Marijina hwězda 18 40 : 27 33
6. ST Lubuš 18 45 : 33 27
7. Módro-běli Minakał 16 38 : 33 23
8. Wós./Skaskow/Kulow II 18 28 : 42 21
9. ST Wulka Dubrawa 16 25 : 34 19
10. Wojerowski FC II 18 31 : 36 17
11. SJ Chrósćicy II 17 27 : 45 17
12. Rakečanske ST II 17 31 : 60 16
13. Zeleno-běli Sepicy 18 24 : 56 11
14. SJ Njebjelčicy 16 15 : 50 5
Nowe fitnesowe wubědźowanje
Hyrox je nowe fitnesowe wubědźowanje za kóždeho, kiž chce swoje mocy z druhimi sportowcami měrić. Wurisanje bě so 2017 załožiło. Forma sportowanja wužada sej móc a wutrajnosć a zarjaduje so do kategorije hybridneho treninga, tohodla tež pomjenowanje Hyrox. Wubědźowanje je mjezynarodne a přewjeduje so w rozdźělnych wulkoměstach. Startować móže so we wšelakich kategorijach: mužojo, žony, muska dwójka, žónska dwójka, měšany duwo a pro. Pro woznamjenja, zo su wahi ćeše. Wobdźělnik běži wosom razow jedyn kilometer. Po kóždym kilometru přewjeduje so jedne zwučowanje po sćěhowacym slědźe:
Ski Erg – symbolizuje sněhakowanje z dwójnym zasadźenjom kijow (1000 m)
Sled Push – suwanje sanjow (50 m, 125 kg)
Sled Pull – ćahanje sanjow (50 m, 75 kg)
Burpee Broad Jumps – šěroki ležny zepěr z kónčnym skokom doprědka (80 m)
Rowing – wjesłowanje (1000 m)
Kettlebell – nošenje hantlow w kóždej ruce 24 kg (200 m)
Sandbag Lunges – wupadowe chodźenje z pěskowym měchom na ramjenju z 20 kg (100 m) a
Wallballs – ćisnjenje medicinskeho bula (6 kg) na sćěnu z čapawki tři metry wysoko (100x)
FCE z „módrym wóčkom“
FC Energija Choćebuz –
Tennis Borussia Berlin 2:1 (2:0)
Zestawa domjacych: Bethke – Hasse (66. Milde), Hildebrandt, Böhmert, Borgmann, Kujović (83. Thiele), Eisenhuth, Sherbakovski (83. Erlbeck), Badu (66. Abu-Alfa), Hottmann (35. Heike), Wähling
Je so mjeztym z grawoćiwej prawidłownosću stało, zo FC Energija dźesatki šansow na wrota wuwostaja a po tutym puću přećiwnikam móžnosće přewostaji, sej dypki přećiwo faworitej wudobyć. Dalši přikład bě hra přećiwo Tennis Borussiji Berlin. Dwoje wosebite wrota wobradźichu FCE přiwšěm tři dypki. Kapitan Axel Borgmann widźeše při wólnym kopje při srjedźnym kruhu wrotarja hosći pře daloko před wrotami stejo. Tuž jeho z wušiknej třělwu ze zdalenosće 40 metrow překwapi. Druhe wrota docpěchu hosćićeljo z jědnatku. Pokutnemu kopej předchadźeše jasny foul Janej Sherbakovskemu napřećo. Suwerenje wuži Jonas Hildebrandt po tym šansu. Jako pak hosćo domjacych z wrotami překwapichu, bě nimo z do toho derje wobhladajomnej kombinaciskej hru Choćebužanow.
Wotměnjaca hra z dobrym kóncom
Natwar Němske Pazlicy –
Sokoł Ralbicy/Hórki 2:3 (1:1)
Zestawa hosći: Chr. Gloxyn – Šewc (77. Korjeńk), Al. Wałda, Schultz, D. Gloxyn, Rachela, M. Matka (68. Kř. Matka), An. Wałda, Šołta, Nuk (84. F. Bejma), Bejmak (92. Materna)
Sokoljo dojědźechu sej do bliskich Němskich Pazlic, tući steja na štwórtym městnje tabulki wokrjesneje wyšeje ligi. Předznamjenja njeběchu runjewon najlěpše, dokelž z Pětrom Domašku a Tomašom Rawšom dwaj nazhonitej akteraj pobrachowaštaj. Ale tež pola hosći hrajerjo kaž Serb Feliks Hrjehor k dispoziciji njestejachu.
Dypki w Budyšinje ležo wostajili
ST Póst Germania Budyšin –
ST Radwor 2:0 (1:0)
Zestawa hosći: Grenzemann – Reinecke (18. Schulze), Měrćink, Pěčak, Paška (85. Seiler), Johannes Wjacławk, Schöne (73. Hetaš), Nuk, Grubert, Wjeńka, Šnajder (73. Jakub Wjacławk)
Po wuspěchu zeleny štwórtk steješe hnydom dalši sylny přećiwnik před Radworskimi koparjemi – Póst Budyšin. Tohodla přijědźechu hosćo ze šěrokej hrudźu do Budyšina.
Ale hižo po zahwizdanju bě spóznać, zo chcychu sej Budyšenjo dypki doma zdźeržeć. Hosćićeljo mějachu wjace hrajnych podźělow a móžachu bul lěpje při sebi dźeržeć. Tola Radworčenjo wobstajnje derje zakitowachu a wulke šansy njedowolichu. Po róžku w 24. min. wotfalšowa Lenny Schöne bul njezbožownje do swójskich wrotow a dari přećiwnikej nawjedowanje.
Po znowazahwizdanju dźěše hra runje tak dale kaž do přestawki. Nětko měješe Radwor něšto wjace šansow, kotrež pak njewužiwaše. Za neutralneho přihladowarja bě grawoćiwje přihladować, kak bule přez wrota lětaja. We 78. min. móžeše Budyšin na 2:0 zwyšić. Krótko do wothwizdanja měješe Jakub Wjacławk wulku šansu k 2:1, ale třělwa bu runje hišće na wrotowej liniji wujasnjena.
Wuslědki (18.04.23)
Kopańca,
wokrjesna wyša liga
Horni kraj-Sprj. – Hnaš.-Dobruša 0:1 (0:0)
TSV Wachau – ST Ćisk 2:0 (0:0)
Ottend.-Okrilla – ST Kinsp./Łuž. 5:1 (2:1)
Kulow – Biskopičanske KT II 0:2 (0:1)
Póst Budyšin – ST Radwor 2:0 (1:0)
Großröhrsdorf – Großnaundorf 1:1 (1:1)
Porchow – Łaz/Běły Chołmc 3:1 (2:1)
Němske Pazlicy – Ralbicy/Hórki 2:3 (1:1)
1. Biskopičanske KT II 22 71 : 16 56
2. Póst Germania Budyšin 21 53 : 21 49
3. Módro-běli Kulow 21 42 : 16 46
4. Natwar Němske Pazlicy 22 64 : 26 45
5. ST Hnašecy-Dobruša 22 66 : 43 42
6. ST Horni kraj-Sprjewja 22 58 : 37 37
7. FV Ottendorf-Okrilla 22 50 : 39 35
8. Sokoł Ralbicy/Hórki 21 38 : 31 32
9. SG Großnaundorf 20 28 : 28 28
10. SC Großröhrsdorf 22 34 : 33 27
11. TSV Wachau 22 44 : 63 26
12. HZ Łaz/Běły Chołmc 22 32 : 41 23
13. ST Radwor 21 34 : 58 19
14. ST Porchow 22 27 : 71 15
15. ST Ćisk 22 23 : 78 9
16. ST Kinspork/Łužnica 22 23 : 86 6
