ST Łobjowy kraj Coswig-Mišno –

Viktoria Worklecy 3:2

(21:25, 25:18, 18:25, 25:18, 15:7)

Posledni hrajny dźeń w sakskej klasy bě za tři mustwa woprawdźity showdown wo zestup abo zdźerženje klasy. Za Worklečanskich wolejbulistow rěkaše to, we wonkownej hrě pola Coswiga-Mišnja na kóždy pad dypkować, zo bychu realistisku šansu na zdźerženje klasy wobchowali. Koblicy mějachu w samsnym času domjace prawo přećiwo Wojerecam a Motor Mickten, kiž běchu tež wot zestupa wohroženi. Tuž móžachu Kobli­čenjo ze swójskeje mocy skok na wuchowacy brjóh docpěć. Serbska šěstka pućowaše drje z trochu deciměrowanym kadrom­ do Coswiga, bě pak jara motiwowana, swój són zwoprawdźić.