Ze zhromadnej power do noweje sezony
Wolejbulistki z Pančic a Worklec tworitej hrajne zjednoćenstwo
Žony wolejbuloweju mustwow Sportoweho towarstwa Marijina hwězda a Viktorije Worklecy su sej za nowu hrajnu dobu 2018/2019 tójšto předewzali. Zhromadnje chcedźa so wone we wobwodnej lize wuchodna Sakska wo dobre městno w srjedźnym polu tabulki prócować. Za wobě towarstwje je to šansa a runočasnje směrodajny rozsud za sportowe wuwiće a atraktiwitu regiona.
Hižo štyri lěta hraja wolejbulistki ST Marijineje hwězdy we wobwodnej lize, za Worklečanki je to nowinka. Wone zběrachu nazhonjenja dotal we wobwodnej klasy. Za trenarja Stefana Mühla wobsteji nadawk wosebje w tym, „wutworić z 18 hrajerkow cyłk. Lěpšina tajkeho zjednoćenstwa je relatiwnje wulki kader. Zhromadnje mamy cyle jednorje lěpše šansy, region we wobwodnej lize z dobrym městnom zastupować. Runočasnje je to wězo wužadanje z dotal dweju mustwow optimalny team wutworić.“ Podpěru dóstanje nowy trenar z Pančanskeho boka wot Daniele Kraloweje.
Něhdyšeho trenarja po testowej hrě rozžohnowali
Sokoł Ralbicy/Hórki
– ST Ćisk 1:2 (0:2)
Za Sokoł zasadźeni: Schöne, Kral – Kř. Matka, Schultz, Šewc, Hilbich, J. Bjeńš, Budar, Rawš, Šołta, Wowčerk, Bejmak, Kobalc, Domaška, G. Kurjat,
Tři dny do prěnjeje dypkoweje hry přichwata hišće raz wyšoklasne koparske mustwo z Ćiska do Ralbic. Něhdyši trenar Sokoła Jiří Krohmer je tam nětko kotrenar. Tak mějachu delanscy koparjo hišće raz móžnosć, so jemu po hrě prawje dźakować a so z nim rozžohnować.
Widźał, słyšał, napisał (13.08.18)
Awtor dźensa
Michał Nuk
Tomu, kiž je w zašłymaj tydźenjomaj sportowe wusyłanja sćěhował, je snadź wěsty anglicizm napadnył. Nastajnosći rěčachu wo European championships, byrnjež słowo europske mišterstwa ničo nowe njebyło. Přičina je, kaž husto, komercializacija sporta. A to je bjez dźiwa hladajo na to, zo maja skoro wšitke sportowe družiny porno kopańcy wo wusyłanske mjeńšiny w telewiziji wojować.
A runje marketingowaj ekspertaj z wobłuka kopańcy, Šwicar Marc Jörg a Jendźelčan Paul Bristow, kotrajž běštaj něhdy na wuwiću UEFA champions league sobu dźěłałoj, staj sej hłowu łamałoj, kak móhłoj druhe sportowe družiny lěpje do zjawnosće přinjesć a zwičnjeć. Ideja pochadźeše ze zymskeho sporta, hdźež móža přihladowarjo hižo wjele lět přez telewizijne konferency wšitke wubědźowanja sćěhować. Jenož zo njejednaše so tónkróć wo biatletow, spěšnosmykarjow abo bobowych pilotow, ale wo płuwarjow, kolesowarjow abo ćěłozwučowarjow.
Wuslědki (13.08.18)
Kopańca, 3. liga
Karlsruhe – Jena1:1 (0:0)
Halle – Kaiserslautern 2:0 (1:0)
Großaspach – Osnabrück 0:0 (0:0)
Meppen – Aalen1:0 (0:0)
Unterhaching – Rostock 2:1 (1:0)
Wiesbaden – Braunschweig 3:3 (0:1)
Zwickau – Köln1:0 (0:0)
Mnichow – Uerdingen 0:1 (0:0)
Würzburg – Choćebuz 3:1 (2:0)
1. KFC Uerdingen 05 4 7 : 5 9
2. SpVgg Unterhaching 4 7 : 4 8
3. VfL Osnabrück 4 6 : 3 8
4. FSV Zwickau 4 5 : 2 8
5. FC Energija Choćebuz 4 8 : 5 7
6. FC Carl Zeiss Jena 4 6 : 7 7
7. SC Preußen Münster 3 7 : 4 6
8. Halleski FC 4 6 : 4 6
9. Karlsruheski SC 4 4 : 3 6
10. F.C. Hansa Rostock 4 6 : 7 6
11. Sonnenhof Großaspach 4 5 : 4 5
12. TSV 1860 Mnichow 4 7 : 5 4
13. VfR Aalen 4 4 : 5 4
14. SV Wehen Wiesbaden 4 7 : 9 4
15. 1. FC Kaiserslautern 4 3 : 5 4
15. SV Meppen 4 3 : 5 4
17. FC Würzburger Kickers 4 6 : 8 3
18. Eintracht Braunschweig 4 5 : 7 3
19. SC Fortuna Köln 4 3 : 7 3
20. VfL Přećeljo sporta Lotte 3 1 : 7 1
wokrjesna liga, stafla I
Arnsdorf – Bart0:2 (0:2)
Wjernarjecy – Lomnitz-Großn. II4:3 (2:0)
Frankenthal – Wachau 1:3 (0:1)
Biskopicy II – Germ. Budyšin II 7:1 (5:0)
Bretnig-Hauswalde – Kubšicy 4:1 (1:1)
Wjelećin – ST Budyšin 3:0 (0:0)
1. Biskopičanske KT II 1 7 : 1 3
2. Bretnig-Hauswalde 1 4 : 1 3
3. ST Wjelećin 1 3 : 0 3
4. TSV Wachau 1 3 : 1 3
5. ST Bart 1 2 : 0 3
6. TSV Wjernarjecy 1 4 : 3 3
7. FV Ottendorf-Okrilla 0 0 : 0 0
7. SC Großröhrsdorf II 0 0 : 0 0
7. ST Horni kraj-Sprjewja II 0 0 : 0 0
7. HZ Huska/Hodźij 0 0 : 0 0
11. Lomnitz-Großnaund. II 1 3 : 4 0
12. SV Frankenthal 1 1 : 3 0
13. Arnsdorfske KT 1 0 : 2 0
14. ST Kubšicy 1 1 : 4 0
15. ST Budyšin 1 0 : 3 0
16. Germania Budyšin II 1 1 : 7 0
Sport (10.08.18)
Kopańca ze serbskim derbyjom
Na wokrjesnej runinje zahaji so dźensa koparska sezona z prěnjej winowatostnej hru we wokrjesnej wyšej lize w Dobruši mjez ST Hnašecy-Dobruša a Póst Germania Budyšin. Zakop je 18 hodź. planowany, sudnik zazběhoweje hry budźe Sandro Mollinger. A tu su hišće dalše dypkowe hry, mjez druhim tež serbski derby:
11.08. 15:00 Zeleno-běli Bukecy –
Módro-běli Kulow
12.08. 11:00 HZ Wulke Ždźary –
SJ Njebjelčicy
12.08. 13:00 Sokoł Ralbicy/Hórki –
SG Großnaundorf
12.08. 13:00 ST Marijina hwězda –
SJ Chrósćicy II
12.08. 15:00 ST Radwor –
Rakečanske ST
Hišće jónu a potom finale
W Budyšinje wuhraja póndźelu posledni přihotowanski turněr bičwolejbuloweje tury Radija Satkula. Hrać budu na bičwolejbulnišćach w Sprjewinej kupjeli. Cyłki zetkaja so we 18 hodź.
Motocross na Kaponicy
W treningowym lěhwje so poćili
Minjeny štwórtk běchu so koparjo Chróšćanskeje SJ na puć do Pólskeje nastajili. Cil rěkaše wjes Raszowa w gmejnje Leśnica. Po někak tři a poł hodźiny docpěchu mužojo kwartěr za přichodne dny: hotel Viktorjan. Na druhi dźeń rano započachu trenować. Trenarjej Detlefej Panitzej dźěše při tym wosebje wosebje wo wutrajnosć. Prěnjej połdrahodźinskej jednotce přizamkny so připołdnju dalša. Tež testowa partija steješe hišće na programje. Přećiwnik bě mustwo ze Stareho Ujazda, hrajace na 6. runinje pólskeho ligoweho systema. Loni bě wone postupiło a ma ambicije dale postupić. Tak steještej na kopanišću runohódnej cyłkaj. Zaměr testa njebě jenož dobry wuslědk, skerje wuspytanje wšelakich formacijow. Spočatnje bě widźeć, zo maja Chróšćenjo napinacy trening za sobu. Domjacy běchu přeco kročel spěšniši a so w dwubojach přesadźichu. Spytachu přećiwnika zahe pod ćišć stajeć, tak zo bě opcija za SJC husto jenož dołhi bul. Hosćićeljo w ofensiwje so z technisce sylnymi hrajerjemi přeco zaso do šěsnatki předrěwachu.
Za Radworskeho kapitana koparska karjera zakónčena
Kapitan Radworskeho koparskeho mustwa Paul Zimmermann zakónči po wjacorych ćežkich zranjenjach swoju aktiwnu hrajnu karjeru, a to z runje 26 lětami(!). Matej Wjeńka je so z nim rozmołwjał.
Sy so lětsa rozsudźił swoju aktiwnu karjeru zakónčić. Zranjenja dźě su Će přeco zaso trapili, tak tež 2012 na europeadźe we Łužicy. Jako jedna z wulkich nadźijow sy za Serbow do turněra startował, dyrbiš pak hižo tak młody přestać.
Wotchady a přichady w koparskich mustwach Łužicy
Minjenej měsacaj je so w koparskich mustwach tójšto změniło. Někotre cyłki su w přihotach na nowu hrajnu dobu samo połojcu kadra wuměnili. Kilian Hrjehor je za někotre cyłki wotchady a přichady zezběrał.
FC Energija Choćebuz
přichady: Abdulkadir Beyazit (ST Babelsberg 03), Daniel Stanese (VfR Aalen)
wotchady: Benjamin Förster (VSG Altglienicke), Christos Papadimitriou (Mauerwerk, Awstriska), Gabriel Boakye (1. FC Köln II), Alexander Siebeck (Karlsruheski SC)
Budissa Budyšin
přichady: Alexander Schidun (Jednota Kamjenc), Marcel Bär (Dynamo Drježdźany U19), Eric Merkel (Biskopičanske KT 08), Stefan Richter (trenar wrotarjow), Philipp Dartsch (SpVgg Bayern Hof), Marek Langr (Jednota Kamjenc), Christopher Schulz (SpVgg Bayern Hof), Mateusz Ciapa (U 19 1. FC Magdeburg), Michael Schlicht (1. FC Schweinfurt 05), Niclas Treu (Lüneburger SK Hansa)
Tójšto wrotow w testomaj
Sokoł Ralbicy/Hórki – VFB Drježdźany-Hellerau/Klotzsche 4:2 (0:0)
Minjeny pjatk wječor přijědźe do delanskeho Stadiona přećelstwa mustwo z Drježdźan, přećiwo kotremuž běchu koparjo Sokoła Ralbicy/Hórki hižo w zymje raz hrali. Trenar Chrystof Gloxyn měješe nimale 20 hrajerjow k dispoziciji a naspomni hišće raz chutny charakter testoweje hry, kotruž chcyše na kóždy pad dobyć. Wobaj cyłkaj dojednaštaj so na to, trójce 30 mjeńšin hrać. Prěnja połojca słušeše domjacym, kotřiž pak dwě dobrej składnosći njewužichu. Tak přewzachu Drježdźanjenjo komando, a Sokoljo mějachu swoju lubu nuzu sej scyła bul wuwojować.
Po połčasu pak Ralbičenjo tempo powjetšichu a přez dwoje wulkotnje wuhrate wrota Stefana Bjeńša spěšnje nawjedowachu. Po zmylku hosćićelskeho wrotarja a z hłójčku pak Drježdźanscy koparjo wurunachu – to bě wjac hač njetrjebawše a zbudźi wulke mjerzanje Sokołow. Tola krótko do kónca so Pětr Domaška wo dobyće postara. Najprjedy wón z krótkeje distancy zwyši a w poslednjej mjeńšinje z rjanej třělwu do hornjeho třiróžka partiju ze 4:2 doskónčnje rozsudźi.
