Awtorka dźensa

Tereza Wićazowa

W komunikaciskej wědomosći je so sada Paula Watzlawicka dawno etablěrowała: „Njemóžeš njekomunikować.“ Rozmołwa, kotraž so njepřewjedźe, wotměwa so na nonwerbalnej runinje: Wědomje kaž tež njewědomje, přetož tež ćěło, gestika a mimika zamóža „rěčeć“.

Tež w sportowej psychologiji móže so Watzlawickowe wuprajenje nałožować. We wubědźowanskim sporće so začuća husto wědomje, ale tež njewědomje nonwerbalnje­ zwuraznjeja. Wažne je: Nonwerbalne zadźerženje móže so wot čłonow mustwa kaž tež wot přećiwnika abo wot přihladowarkow a přihladowarjow wułožować. Wažne su při tym sćěhowace prašenja: Kak so nonwerbalne zadźerženje wobkedźbuje? A kotre konkluzije móža so z toho na wukon wosoby a w tutym zwisku tež na swójski wukon sćahnyć?