Kontery k.o. woznamjenjeli
ST Zeleno-běli Bukecy
– SJ Chrósćicy 4:1 (0:0)
Zestawa hosći: Králíček – Dehn, Teichmann, Šafář, Dórnik, Kunze (34. Zahrodnik), Runt, Domaška, Młynk (74. Latkolik), Šmit, Věchet
Z chětro skromnym kadrom podachu so koparjo Chróšćanskeje SJ minjenu sobotu na dypkowu hru do Bukec. Nimo Cyža a Žura pobrachowachu tež hišće Schulze, Bětnar, Šiman a Pöpel. Tak dyrbješe so samo zaso kotrenar SJC Latkolik hrajnu drastu woblec. Njedźiwajcy toho Chróšćenjo partiju wot spočatka postajachu a mějachu Bukečanow kruće w rukach. Stoprocentowsku móžnosć pak přiwšěm wuwostajichu. Po přihrawce Runta móhł Věchet wrota třělić, k zadźiwanju fanow a sobuhrajerjow pak to nječinješe. Hosćo mějachu přez derje wuhrate kombinacije dalše šansy. Falowaceje konsekwency w zakónčenju dla pak so ničo naspomnjenjahódne njesta. Tak dźěše z 0:0 do kabiny.
Wuslědki (24.05.16)
Regionalna koparska liga
Budissa Budyšin – Berlinski AK 1:3 (0:1)
1. Zwickau 34 77 : 30 77
2. Berlinski AK 34 68 : 22 77
3. Nordhausen 34 59 : 39 61
4. BFC Dynamo 34 66 : 48 56
5. Neugersdorf 34 52 : 48 54
6. Babelsberg 03 34 49 : 29 53
7. Jena 34 43 : 33 53
8. Neustrelitz 34 53 : 42 51
9. Auerbach 34 52 : 44 50
10. Hertha BSC II 34 52 : 59 48
11. RB Lipsk II 34 49 : 48 44
12. FC Viktoria 34 46 : 62 38
13. Budissa Budyšin 34 46 : 47 37
Zasłužene dobyće
FV Arnsdorf
– ST Marijina hwězda 1:2 (0:1)
Zestawa hosći: O. Schmidt – Bejmak, Škoda, Łušćanski, Lipič, Njek, Bělk, Jurš, P. Schmidt (73. Hübner), Winkler, Pakoßnick
Dypkownje do derbyja přećiwo SJ Njebjelčicam je so prěnje koparske mustwo ST Marijineje hwězdy na dobyćerski puć wróćiło. Najebać wosom pobrachowacych hrajerjow móžeše wone w Arnsdorfje pola štwórteho tabulki dobyć. Po spočatnej fazy z mnohimi špatnymi přihrawkami na woběmaj stronomaj pak sadźachu Pančičenjo prěnje akcenty. Po dołhim wotkopje wrotarja Šmita přezběhny Winkler wrotarja domjacych. Zo by bul tež woprawdźe a wěsće do wrotow šoł, stłóči jón Jurš přez wrotowu liniju. Krótko do połčasa kombinowaštaj so Pakoßnick a Jurš do šěsnatki přećiwnika a Jurš wotzamkny rjanu kombinaciju z třělwu do žerdźe.
Na 31. Hušćanskich parkowych běhach je so tež tójšto serbskich ...
Přećiwnik sylniši był
Sokoł Ralbicy/Hórki
– LSV Hory 1990 1:2 (0:1)
Zestawa domjacych: Gloxyn – von Köding (74. Matka), St. Bjeńš, Lulak, Korjeńk, Wałda, Schultz, Šewc, Šołta, Bejmak (74. M. Kurjat), Domaška
Wjac hač 100 přihladowarjow dožiwi wčera w Ralbičanskim Stadionje přećelstwa načolnu koparsku hru mjez Sokołom Ralbicy/Hórki a tabulkowym susodom z Horow. Kaž hižo w minjenych tydźenjach dyrbjachu domjacy někotrych hrajerjow zranjenja dla narunać. Tak přewza tež hnydom hósć z Horow komando a daše bul cyle měrnje w swojich rjadach běžeć. Sokoljo njemějachu scyła wulce móžnosć, sej jón wudobyć. Dwójce pak so jim to poradźi a hnydom startowachu strašne kontery. Fabian Korjeńk kaž tež Antonius Wałda pak najlěpše šansy wuwostajištaj. Na tamnym boku zadźěwa Gloxyn z dwěmaj wulkotnymaj paradomaj zastatkej, w 33. min. pak bě bjezmócny. Wotfalšowana flanka docpě swobodnje stejaceho Pohla, kiž z dźesać metrow fulminantnje přetwori.
Tri-team wuspěšny
Beachvolleyballisća SGB sej slěbro wubědźili
Po wurjadnych wuslědkach volleyballistow Serbskeho gymnazija Budyšin (SGB) w hali wubědźuja so woni nětko w pěsku, a to we wobłuku wuchodosakskeho finala. W Budyskej Sprjewinej kupjeli započachu so regionalne wurisanja ze starobnej skupinu III, w kotrejž su sej beachvolleyballisća SGB slěbro wuwojowali.
Widźał, słyšał, napisał (23.05.16)
Awtor dźensa
Toni Ryćer
Što by sport był bjez zahoritych přiwisnikow? Někotryžkuli wuběrny wukon njehodźał so bjez podpěry přihladowarjow docpěć. Tež hdyž je to husto z wulkimi wudawkami zwjazane, wo trěbnym swobodnym času nochcu scyła rěčeć, jězdźa ludźo rady sta kilometry, zo bychu swojim idolam bliscy byli a jim přiwyskali. Podobnje budźe to w juniju, hdyž so Serbja do Južneho Tirola nastaja, zo bychu łužiskej koparskej mustwje pohonjeli. Wězo njeda so to přirunać z wulkimi wubědźowanjemi, kaž na přikład w zwjazkowej kopańcy abo w motorsporće, zmysł pak je samsny a na wotpowědnej euforiji njebudźe falować, toho sym sej wěsty. Nimo toho da so wulět do Italskeje zwjazać z dowolom w krasnej krajinje. Móžu to woprawdźe horco doporučić. Znaju kónčinu wokoło Puster-Garder- a Ahrntala, hdźež so europeada wotměje, z někotrych zymskich dowolow. Bohužel njemóžu sobu. Sym runje w tym času na motorsportowych wubědźowanjach w Francoskej a Němskej zasadźeny.
Wuslědki (23.05.16)
Wokrjesna koparska liga, stafla III
Arnsdorf – Marijina hwězda 1:2 (0:1)
Němske Pazlicy – Ottendorf/L. 2:4 (1:2)
Njebjelčicy – Sepicy3:2 (1:1)
Haselbachtal – Hlinowc 4:2 (3:1)
1. Ottendorf/Liegau 22 54 : 22 53
2. Frankenthal 22 66 : 31 52
3. Großnaundorf 23 66 : 31 48
4. Arnsdorf 24 58 : 27 42
5. Großröhrsdorf II 22 42 : 28 39
6. Marijina hwězda 22 67 : 44 36
7. Njebjelčicy 23 44 : 36 35
8. Haselbachtal 23 51 : 54 35
9. Sepicy 22 58 : 55 32
10. Němske Pazlicy 22 35 : 47 27
11. Hlinowc 22 32 : 56 17
12. Wóslink/Skaskow 22 27 : 60 12
13. Großharthau 22 23 : 67 12
14. Großdrebnitz 23 24 : 89 10
Wokrjesna wyša koparska liga
Kulow – Wjelećin3:2 (1:2)
Bukecy – Chrósćicy4:1 (0:0)
Hnašecy – Ćisk1:0 (0:0)
Ralbicy/Hórki – Hory1:2 (0:1)
1. Chrósćicy 30 69 : 30 69
2. Hory 29 72 : 35 56
3. Ralbicy/Hórki 29 67 : 32 52
4. Großröhrsdorf 29 73 : 52 52
5. Rakecy 29 62 : 45 51
6. Hnašecy 29 68 : 40 49
Sport (20.05.16)
Hry wo volleyballowy pokal
Regionalny zwjazk Domowiny Delnja Łužica wuhotuje sobotu, 28. meje, w Prjawozu (Fehrow) volleyballowy turněr. Hrać budźe so wo pokal župy Delnja Łužica. Turněr započnje so w 9 hodź. Přizjewjenja su hišće hač do 24. meje pod móžne.
Kolesować po putniskim puću
Kamjenski Bikehouse poskići njedźelu kolesowansku turu po putniskim puću ze Zhorjelca do Kamjenca. Čara je něhdźe 90 km dołha. Wo ćělne derjeměće ma so kóždy sam starać. Start budźe we 8 hodź. w Zhorjelcu. Štóž chce, móže w 7 hodź. z Kamjenca z transporterom sobu jěć.
Koparske dypkowe hry
21.05. 14:00 Budissa – Berlinski AK
21.05. 15:00 Bukecy – Chrósćicy
21.05. 15:00 Arnsdorf – Marijina hwězda
22.05. 15:00 Radwor – HZ Budestecy
22.05. 15:00 Njebjelčicy – Sepicy
22.05. 15:00 Ralbicy – Hory
Parkowe běhi
31. Hušćanske parkowe běhi wotměja so jutře, 21. meje, a to w 16 hodź. Atleća wubědźuja so na distancach 1 km/2 km/7,3 km a 14,6 km.
Posledni volleyballowy turněr
