Najprjedy prezident šoł, po nim tři dypki

srjeda, 19. decembera 2018
artikl hódnoćić
(0 )
 Michael Wahlich  Foto: Georg Zielonkowski  Michael Wahlich Foto: Georg Zielonkowski

FC Energija Choćebuz

– Eintracht Braunschweig 0:1 (0:0)

Zestawa domjacych: Spahić – Weidlich, Stein, Matuwila, Bender (72. Zimmer), Holthaus, Gehrmann (58. Schneider), Vite­ritti, Geisler, Scheidhauer, Mamba (63. Rangelow)

To bě wulke přesłapjenje w adwenće 2018, kotrež dožiwichu přiwisnicy ko­parjow FC Energije Choćebuz posledni hrajny dźeń lěta. Do partije bu předsyda Michael Wahlich rozžohnowany, po hrě nastaji so posledni třećeje ligi Braunschweig z třomi dypkami na dompuć. A k tomu so tež hišće hodźeše, zo je José Matuwila samowrota (65.) třělił.

Do duela swjećachu fanojo frenetisce swojeho prezidenta, kiž bě sej minjene połtřeća lěta ze swojej přirodnosću a serioznosću nimale wšitke wutroby FCE­ludźi zdobył. Jenož w instituće za pjenjezy, na kotrymž FCE hižo wjele lět wisa, njejsu so Wahlichowe nowowusměrjenja wšitkim lubili. Hrjebje so tuž dale a powjetšowachu, tak zo dyrbješe Wahlich wótku do žita ćisnyć. Tež jednaćel Norman Kothe kónc januara 2019 sportowe towarstwo wopušći.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND