Přihotowanska hra so nimokuliła

wutora, 13. awgusta 2019
artikl hódnoćić
(0 )
Jakub Šołta (srjedźa, Njebjelčicy) je kročel spěšniši hač Biskopičan. Poslednju testowu kaž tež prěnju dypkowu hru su Njebjelčenjo 1:2 přěhrali.  Foto: Jörg Stephan Jakub Šołta (srjedźa, Njebjelčicy) je kročel spěšniši hač Biskopičan. Poslednju testowu kaž tež prěnju dypkowu hru su Njebjelčenjo 1:2 přěhrali. Foto: Jörg Stephan

SJ Njebjelčicy

– Biskopičanske KT II 1:2 (1:0)

Zestawa domjacych: Hahn (45. Matješk) – D. Kral, Hanuza, Haška, Šołta, O. Domš (45. Hrjehor), Čornak (45. F. Ričel), Plaettner (45. F. Domš), Mikławšk (45. Hölzel), Korjeńk, Wagner (45. Pawlik)

Za poslednju přihotowansku hru prěnjeho koparskeho mustwa Njebjelčanskeje SJ měješe trenarski zapřah nimale połny kader k dispoziciji. Tak móžeše hosći­ćel hišće raz wšelake formacije wu­pru­wować. Spočatne tempo pak posta­jowaše młode mustwo z Biskopic. Wosebje dobre běhanske puće hrajerjow bjez bula skićachu jim prěnje akcije z wrotowym wotzamknjenjom. Poněčim so tež Njebjelčanam poradźi wuspěšnje po dołhosći a šěrokosći hrajnišća kombinować. Kopicu móžnosćow před wrotami pak njezamóchu z poslednjej konsekwencu zakónčić. W 22. min. wšak sej sylnu fazu krónowachu. Po tym zo bu Wiliam Plaettner po hnałej přihrawce w šěsnatce jasnje dźeržany, rozsudźi sudnik na pokutny kop, a tón Rony Hanuza wěsće přetwori. Partija wosta hač do połčasa napjata, z dobrymi składnosćemi na woběmaj bokomaj.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND