Lochkoatletiski swjedźeń SGB dalši rekord wunjesł

wutora, 08. oktobera 2019
artikl hódnoćić
(0 )
Najlěpši lětušeho sportoweho swjedźenja Budyskeho Serbskeho gymnazija na Młyn kec łuce běchu w lochkoatletiskim třiboju Fridtjof Schade z Budyšina z 317 dypkami (srjedźa), Sarah Bauchec z Boranec z 298 dypkami (nalěwo) a Lea Krječmarjec z Wulkeho Wjelkowa z 292 dypkami. Foto: Měrko Korjeńk Najlěpši lětušeho sportoweho swjedźenja Budyskeho Serbskeho gymnazija na Młyn kec łuce běchu w lochkoatletiskim třiboju Fridtjof Schade z Budyšina z 317 dypkami (srjedźa), Sarah Bauchec z Boranec z 298 dypkami (nalěwo) a Lea Krječmarjec z Wulkeho Wjelkowa z 292 dypkami. Foto: Měrko Korjeńk

Budyšan Fridtjof Schade doby na Budyskej Młynkec łuce lochkoatletiski třibój Serbskeho gymnazija Budyšin (SGB) z 317 dypkami a nastaji w kulostorku nowy šulski rekord. Druha najlěpša lochkoatletka bě Sarah Bauchec z Boranec z 298 dypkami před Leju Krječmarjec z Wulkeho Wjelkowa z 292 dypkami.

Při pomróčenym njebju, ale přijomnych temperaturach wokoło 15 stopnjow wotmě­ Budyski Serbski gymnazij swoje tradicionalne wubědźowanje w lochko­atletice na Młynkec łuce. Wo wosebity wjeršk postara so Budyšan Fridtjof Schade w kulostorku. Šuler 12. lětnika storči pjeć kilogramow ćežku kulu 13,15 metrow daloko a docpě tak nowy rekord na serbskim kubłanišću. Swoje 317 dypkow skompletowa hišće z 5,40 metrami w dalokoskoku a w běhu na 75 metrow w 9,1 sekundźe. Fridtjof bě jenički šuler, kiž zmištrowa magisku hranicu 300 dypkow. Šulski rekord pak dźerži dale lětuša maturantka­ Tereza Pöpelec z Chrósćic z grandioznymi 445 dypkami z lěta 2015.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND