Prezident SFV na zamołwitych apeluje

štwórtk, 23. apryla 2020
artikl hódnoćić
(0 )
Tónle wobraz je z archiwa. Nastał bě wón loni srjedź nowembra w Chrósćicach, jako hraještej tam mustwje młodźiny A z Chrósćic a Großnaundorfa. Na aktualne sportowe fota z łužiskich kopanišćow budźemy drje hišće chwilu čakać dyrbjeć.  Foto: Konstantin Hrjehor Tónle wobraz je z archiwa. Nastał bě wón loni srjedź nowembra w Chrósćicach, jako hraještej tam mustwje młodźiny A z Chrósćic a Großnaundorfa. Na aktualne sportowe fota z łužiskich kopanišćow budźemy drje hišće chwilu čakać dyrbjeć. Foto: Konstantin Hrjehor

Koronakriza je a wostanje wšitkim kopar­kam a koparjam w Sakskej chětro twjerdy worjech. Hižo wjacore tydźenje žedźa so hrajerjo, trenarjo a towarstwa za kuskom normality. Połoženje so ­jenož pomału měnja, a prašenje „Kak dale póńdźe?“ wuwabja dźeń a wjetše diskusije. Prezident Sakskeho koparskeho zwjazka (SFV) Hermann Winkler tuž na zamołwitych apeluje a prosy jich wo krutu zwjazanosć.

Hermann Winkler tuž pisa: „Smy wšitcy w historiskej situaciji, kotruž tak w stawiznach kopańcy hišće ženje měli njejsmy a kotraž nas chětro wobćežuje. Najrjeńša pódlanska wěc swěta je lemjena. Najbóle so kriza na naše dźěći wuskutkuje. Wone su hižo wjacore tydźenje w izolaciji. Nimo šule pobrachuje jim druha domizna, sportowe towarstwo. Na wjac hač 60 000 holcow a hólcow w sportowych zjednoćenstwach, dyrbimy nětko tež myslić, hdyž póńdźe wo wolóženja! Naš wulki zaměr měł być, runje dźěći a młodostnych nastupajo, zo so spěšnje na kopanišća wróća.

wozjewjene w: Sport
Prošu přizjewće so, chceće-li komentar podać

Serbska debata

nowostki LND