Starobna klasa młodźina C pyta trenarja

štwórtk, 30. julija 2020
artikl hódnoćić
(0 )
Hač su to Jednota Kamjenc, Budissa Budyšin abo serbske dorostowe koparske cyłki, wšudźe pytaja nazwučowarjow za dorost. Ličba mustwow so lěto wob lěto pomjeńša, dokelž nimaja pomocnikow, kotřiž bychu trening a hry zawěsćili.  Foto: Konstantin Hrjehor Hač su to Jednota Kamjenc, Budissa Budyšin abo serbske dorostowe koparske cyłki, wšudźe pytaja nazwučowarjow za dorost. Ličba mustwow so lěto wob lěto pomjeńša, dokelž nimaja pomocnikow, kotřiž bychu trening a hry zawěsćili. Foto: Konstantin Hrjehor

Koparkow a koparjow na małym polu, potajkim w starobnej klasy F (9/10 lět), E (11/12 lět) a D (13/14 lět) maja serbske sportowe towarstwa dosć. Zahoritosć za kopańcu je w tej starobje hišće njesměrnje wulka. Hdyž pak so čas na wulkim hrajnišću bliži, so tón abo tamny kopar nadobo tohodla sporta wzda. Tež trenarjow je dźeń a mjenje.

Před 15 do 20 lětami njebě hišće trjeba hrajne koparske zjednoćenstwa wutworić, dźensa pak ma nimale kóžde koparske towarstwo na wokrjesnej runinje partnerske mustwo – a to primarnje pola juniorow. Přičina je hižo dlěši čas znata. Na wulkim polu prosće 15 do 20 hra­jerjow hižo nimaja, kotřiž su hladajo na cyłu sezonu trěbni. Tohodla su minjenu sezonu štyri serbske towarstwa pola młodźiny C, B a A tajke hrajne zjednoćenstwo wutworili. Su to ST Marijina hwězda, SJ Chrósćicy, SJ Njebjelčicy a Sokoł Ralbicy/Hórki. Serbske koparske towarstwa so tak nadźijeja, zwólniwych hrajerjow dale wukubłać a potom tež pola muži witać móc.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND