Přećiwnikej dobyće darili

štwórtk, 29. julija 2021
artikl hódnoćić
(0 )
Wrotar Energije Toni Stahl poprawom wěsće dźerži, w Berlinje pak tomu wčera tak njebě. Foto: Georg Zielonkowski Wrotar Energije Toni Stahl poprawom wěsće dźerži, w Berlinje pak tomu wčera tak njebě. Foto: Georg Zielonkowski

BFC Dynamo –

FC Energija Choćebuz 2:1 (1:0)

Zestawa hosći: Stahl – Hofmann, Kauter, Hildebrandt, Borgmann, Eisenhuth (77. Kujović), Erlbeck, Putze, Kremer (64. Badu), Pronichev (90. Rahn), Engelhardt.

W jich tradicionalnym sportowym foru­mje je FC Energija koparjam BFC Dynama tónraz dobyće na tableće serwě­rowała. Jenož w prěnim połčasu bě BFC lěpši hač hosćo z Choćebuza a docpě hižo w 13. min. nawjedowanje 1:0.

Po přestawce pak Delnjołužičenjo domi­nowachu. W 54. min. woni wurunachu a wot toho časa partiju postajachu. Dosahało je přiwšěm jeničce za jedne wrota z jich strony. Wulkošansy njemóžeštaj Max Kremer (64.) a Erik Engelhardt – pjeć metrow před wrotowej liniju swobodnje stejacy (67.) – wužić. K tomu dósta BFC w druhej mjeńšinje podlěšenja před wrotami hosći hišće raz wólny kop. Wrotar Toni Stahl pak njetrjebawši swój kašćik wopušći, a Andor Bolyki njeměješe žane ćeže, bul do prózdnych wrotow zhłójčkować. Tak lochko docpěchu koparjo z Berlina-Hohenschönhausena swoje druhe sezonowe dobyće.

wozjewjene w: Sport
Prošu přizjewće so, chceće-li komentar podać

nawěšk

nowostki LND