Lěpje a snadnišo njemóžeš přěhrać

pjatk, 30. julija 2021
artikl hódnoćić
(0 )
Anna-Maria Wagner je Kaliemu Antomarchi z Kuby porazyła a sej bronzu zawěsćiła.  Foto: pa/AP/Vincent Thian Anna-Maria Wagner je Kaliemu Antomarchi z Kuby porazyła a sej bronzu zawěsćiła. Foto: pa/AP/Vincent Thian

Tokio (kh/SN). Dmitrij Owčarow w njewěrjomnje napjatej hrě je finale w blidotenisu a z tym sensaciju zapasł. Němc podleža swětowemu mištrej a olympiskemu dobyćerjej Rio de Janeira Ma Longej z Chiny po sadźbach z 3:4. Zo bě to woprawdźe krimi, pokaza poslednja a rozsudna sadźba z wuslědkom 11:9. Z tym je Owčarow tež w 13. hrě Ma Longej podležał. Duel běše hra ze swětowym niwowom. Z tróšku wjace zbožom móhł němski blidotenist tež triumfować. Nětko ma wón hišće šansu na bronzu.

Šesty dźeń wubědźowanjow sydachu zaso wjacore medalje za Němsku. Tak je judoka Anna-Maria Wagner bronzu w klasy hač do 78 kilogramow dobyła. 25lětna přesadźi so w małym finalu přećiwo Kaliemje Antomarchi z Kuby. Kanusportowcy so jako hromadźerjo medaljow wopokazachu. Po Siderisu Tasiadisu (bronza) a Ricardźe Funk (złoto) doby Andrea Herzog w kanuslalomje z kanadierom bronzu. Najlěpši čas a złotu medalju docpě Jessica Fox z Awstralskeje.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND