Wučerjo dobudu 29. koparski duel přećiwo maturantam z 3:2

wutora, 12. julija 2022
artikl hódnoćić
(0 )
29. koparski duel na Serbskim gymnaziju dobychu tónraz wučerjo přećiwo swojim maturantam z 3:2. Stejo wotlěwa: Franziskus Wornar, sudnik Lukaš Ćemjer, Bruno Brückner, Metod Šołta, Richard Šnajder, Maćij Čižank, Bošćan Donat, Bosćij Bejma, Clemens Handrik, Damian Bogusz, šulski nawoda René Wjacławk; klečo wotlěwa: wrotarjo Jakub Škoda, Michał Eiselt a Pawoł Haška.  Foto: Měrko Korjeńk 29. koparski duel na Serbskim gymnaziju dobychu tónraz wučerjo přećiwo swojim maturantam z 3:2. Stejo wotlěwa: Franziskus Wornar, sudnik Lukaš Ćemjer, Bruno Brückner, Metod Šołta, Richard Šnajder, Maćij Čižank, Bošćan Donat, Bosćij Bejma, Clemens Handrik, Damian Bogusz, šulski nawoda René Wjacławk; klečo wotlěwa: wrotarjo Jakub Škoda, Michał Eiselt a Pawoł Haška. Foto: Měrko Korjeńk

Wučerske mustwo Serbskeho gymnazija Budyšin (SGB) je 29. koparsku hru přećiwo lětušim maturantam 3:2 snadnje dobyło. Čisty hat-trick poradźi so młodemu pedagogej Bosćijej Bejmje.

Po pjeć poražkach zasobu poradźi so wučerjam-koparjam SGB skónčnje zaso dobyće přećiwo swojim dwanatkarjam. Při rjanym słónčnym wjedrje skónči so ­29. koparski duel po dwójce 15 mjeńšinach ze snadnym dobyćom 3:2 staršeje generacije. Před 18 lětami běchu pedagogojo ze samsnym rezultatom wuspěšni a wobě hrě matej kurioznu zhromadnosć. Srjedu, 16. junija 2004 bě młody wučer za sport a stawizny René Wjacławk, nětko šulski nawoda Serbskeho gymnazija, čisty hat-trik docpěł. Tydźenja bě to młody wučer za sport a geografiju Bosćij Bejma, kotryž wšitke tři wrota třěli. Wobaj staj rodźenaj Ralbičanaj.

wozjewjene w: Sport
Prošu přizjewće so, chceće-li komentar podać

Serbska debata

nowostki LND