Połčas w boju wo mišterstwa DDM

štwórtk, 04. awgusta 2022
artikl hódnoćić
(0 )
Křesćan Grutka z Chrósćic słuša na Němskich dumperowych mišterstwach DDM stajnje k najlěpšim jězdźerjam. Hač drje so jemu w Hórkach sobotu a njedźelu podestne městno poradźi? Foto: Konstantin Hrjehor Křesćan Grutka z Chrósćic słuša na Němskich dumperowych mišterstwach DDM stajnje k najlěpšim jězdźerjam. Hač drje so jemu w Hórkach sobotu a njedźelu podestne městno poradźi? Foto: Konstantin Hrjehor

W Hórkach změja Lejnjanscy dumpersportowcy sobotu a njedźelu na něhdyšim twjerdym hrajnišću Hórčanskich koparjow swój lětuši běh wo Němske dumperowe mišterstwa. Njebudźe to finalne-pjate wurisanje kaž loni, za to pak raz třeće wot dohromady pjeć. Dotal wubědźowachu so piloća w lěće 2022 w Adelsdorfje (08.05.) a w Baćonju pola Donatec (10.07.). Na woběmaj běhomaj bě dohromady 33 motorsportowcow startowało. Najkonstantnišo po puću pak staj lětsa amtěrowacy němski dumperowy mišter Filip Kral z Róžanta (Dumperowy klub Lejno) a youngster Pawl Domš (Wubědźowanski team Adelsdorf/Quersa) ze Zejic. Wobeju dźělitaj w cyłkownym hódnoćenju jenož dwaj dypkaj.

wozjewjene w: Sport
Prošu přizjewće so, chceće-li komentar podać

nawěšk

nowostki LND