Ralbičenjo dobry wukon pokazali

srjeda, 10. awgusta 2022
artikl hódnoćić
(0 )
Najprjedy bě Philipp Šiman (srjedźa, Ralbicy, wobraz je z archiwa) na Horach jenož žerdź trjechił, po tym pak zapisa so Nowowješćan tež hišće do lisćiny třělcow Sokoła.  Foto: Konstantin Hrjehor Najprjedy bě Philipp Šiman (srjedźa, Ralbicy, wobraz je z archiwa) na Horach jenož žerdź trjechił, po tym pak zapisa so Nowowješćan tež hišće do lisćiny třělcow Sokoła. Foto: Konstantin Hrjehor

LSV Hory – Sokoł Ralbicy/Hórki 1:6 (0:3)

Za Ralbicy zasadźeni: Ch. Gloxyn – Rachel, Schultz, Šewc, Ričel, Rawš, D. Gloxyn, B. Bejma, Nuk, T. Bejma, Šiman, ­F. Bejma, Materna, Zimmermann

Po njespokojacym tesće w Kulowje chcyše trenar Christoph Gloxyn jasne stopnjowanje widźeć. Kader Sokoła běše tež zaso lěpje wobsadźeny. LSV Hory dyrbjachu minjenu sezonu nažel zestupić a hraja nětko we wokrjesnej lize. Najebać to wjedu na jich internetowej stronje wěčnu tabulku wokrjesneje wyšeje ligi wot sezony 2009/2010. Tam su domjacy z dźesać dypkami předskokom prěni před Sokołom. To pak budźe so nazymu zawěsće změnić.

Sokoljo spytachu wot wšeho spoča­tka přećiwnika pod ćišć stajeć, štož so tež dosć derje poradźi. We 18. min. bu bul rjenje do haski tyknjeny a Pawl Rachel nisko přetwori. Po samsnym mu­strje so tež druhe wrota poradźichu. Třělc wrotow běše Bosćij Bejma (26.). Po rjanym diagonalnym bulu přeběža Philipp Šiman, ale trjechi nažel jeno žerdź. Wot tam pak bul k Dennyjej Gloxynej skoči, kotryž njeměješe ćeže hrajny nastroj do wrotow storčić. Domjacy jónu na so skedźbnichu, jako bul łatu trjechi. To by wurunanje było.

wozjewjene w: Sport
Prošu přizjewće so, chceće-li komentar podać

Serbska debata

nowostki LND